Scarlett Johansson

Wikipedia:st
Njuškii navigistmân Njuškii ucâmân
Scarlett Johansson
Scarlett Johansson by Gage Skidmore 2019.jpg
Persovntiäđuh
Šoddâm skammâmáánu 22. peeivi 1984 (ahe 38)
New York City, New York, Ovtâstum staatah
Karrieer
Aktiivlâžžân 1994–
Peerâ
Pelikyeimi Ryan Reynolds, vihkâm 2008, näimi-iäránem 2011
Romain Dauriac, vihkâm 2014, näimi-iäránem 2017
Colin Jost, vihkâm 2020
Párnááh 2
Lasetiäđuh
Nommâčáálus Scarlett Johansson's signature.svg
IMDb-sijđo IMDb

Scarlett Johansson (š. skammâmáánu 22. peeivi 1984, New York City, New York, Ovtâstum staatah) lii ovtâstumstaatâlâš čaittâleijee, lávloo já malli sehe pegâlmâs seksisymbol.

Tuávváš[mute | mute käldee]

Scarlett Ingrid Johansson šoodâi skammâmáánu 22. peeivi 1984 Manhattanist New Yorkist. Suu eeči lii tanskalâš arkkiteht Karsten Olaf Johansson já enni ovtâstumstaatâlâš pyevtitteijee Melanie Sloan. Vaanhimeh iäránáin, ko Johansson lâi 13-ihásâš. Johansson tánssái já halijdij čaittâleijen jo pärnin.

Pargo[mute | mute käldee]

Johansson algâttij karrieeris 10-ihásâžžân elleekooveest North (1994). Sun lâi uáiviroolâst ive 1998 pivnohis elleekooveest The Horse Whisperer. Johansson šoodâi maailmvijđosávt tobdosin ive 2003 elleekuuvijn Lost in TranslationGirl with a Pearl Earring. Sun čaittâlij Woody Allen stivrim elleekuuvijn Match Point (2005), Scoop (2006) já Vicky Cristina Barcelona (2008). Siämmást sun čaittâlij meiddei ovdâmerkkân elleekuuvijn The Prestige (2006), The Other Boleyn Girl (2008) já He’s Just Not That Into You (2009). Johansson lâi Natasha Romanoff ađai Black Widow (Čapis Leskâ) -huáđđoo Marvel Cinematic Universe -elleekuuvijn. Sun čaittâlij roolâ ohtsis käävci elleekooveest, vuossâmužžân ive 2010 fiilmâst Iron Man 2 já majemužžân ive 2021 almostum elleekooveest Black Widow. Ive 2019 Johansson lâi Oscar-iävtukkâssân elleekuuvijn Marriage StoryJojo Rabbit.

Johansson lii porgâm meiddei pivtâssundáttellen já mallin. Sun lii meid lávloo. Suu vuossâmuš skiärru Anywhere I Lay My Head almostui ive 2008, já čuávuváá ive sun almostitij skiäru Break Up oovtâst lávloo-laavlârähtee Pete Yornáin.

Priivaateellim[mute | mute käldee]

Johansson siärvástâlâi čaittâleijee Josh Hartnettáin, mut suoi iäránáin ive 2006. Johansson naajâi čaittâleijee Ryan Reynoldsáin ive 2008 loopâst. Suoi iäránáin ive 2011. Iäru maŋa sust lâi uánihis koskâvuotâ čaittâleijee Sean Pennáin. Johansson naajâi ranskalâš Romain Dauriacáin ive 2014. Sunnui šoodâi nieidâ Rose Dorothy ive 2014 čohčâmáánust. Paarâ iäránij ive 2017 aalgâst. Johansson naajâi Colin Jostáin ive 2020 já sunnui šoodâi alge Cosmo Jost ive 2021.

Fáádást eres soojijn[mute | mute käldee]

Käldeeh[mute | mute käldee]

Jurgâlus
Taat artikkâl teikkâ uási tast lii jurgâlum teikkâ toos láá uccum tiäđuh ereskielâlâš Wikipedia artikkâlist.
Algâalgâliih artikkâleh: fi:Scarlett Johansson & en:Scarlett Johansson