Muusik komovuođâst
Muusik komovuođâst lii muusik, mii lii vuolgâttum komovuotân teikâ čuojâttum komovuođâst. Ulmen lii távjá levâttiđ tiäđu ulmuin komovuođâ máhđuláid eres ässeid.
Historjá
[mute | mute käldee]Ive 1977 Ovtâstum staatâi komovuotâhaldâttâh NASA vuolgâttij muusik komovuotâmáátkán, já mätki juátkoo vala-uv. Voyager-luođânij fáárun pakkajui skiärru, moos NASA adelij noomâ "The Golden Record". Tot siskeeld jieškote-uvlágán muusik pirrâ maailm. Skiärun láá jienâttum meiddei ulmuu já eres ellei jienah, ovdâmerkkân väzzim já povvâstem jienah sehe tiervuođah 55 kielân.[1][2]
NASA vuolgâttij The Beatles pitá "Across the Universe" komovuotân ive 2008. Ton lasseen muusik lii čuojâttum komovuotâmodulijn, ovdâmerkkân Apollo-rakettijn, já ISS-komovuotâsajattuvvâst. NASA muávloo Marsist luhostui joba vuolgâttiđ muusik maasâd Enâmân.[3][4]
Ive 2024 Ovtâstum staatâi komovuotâhaldâttâh NASA vuolgâttij ovtâstumstaatâlii ráp-artist Missy Elliott pitá "The Rain (Supa Dupa Fly)" Venus kulij. Pittá mađhâšij čuovâliävttoin, suullân 254 miljovn kilomeetterid Enâmist Venusân. Mätki piištij suullân 14 minuttid.[3]
Käldeeh
[mute | mute käldee]- ↑ Voyager - What's on the Golden Record voyager.jpl.nasa.gov. Čujottum 24.7.2024. (eŋgâlâskielân)
- ↑ Voyager - Greetings on the Golden Record voyager.jpl.nasa.gov. Čujottum 24.7.2024. (eŋgâlâskielân)
- ↑ 3,0 3,1 Saari, Mitja: NASA vuolgâttij ráp-muusik Venusân, mätki piištij suullân 14 minuttid anarasaavis.fi. 24.7.2024. Čujottum 24.7.2024.
- ↑ A history of music in space www.skyatnightmagazine.com. Čujottum 24.7.2024. (eŋgâlâskielân)