Almugijkoskâsâš komovuotâsajattâh
Almugijkoskâsâš komovuotâsajattâh adai ISS (eŋgâlâskielân International Space Station, ISS, ruošâkielân Междунаро́дная косми́ческая ста́нция, МКС) lii suullân jyelgipállukiedi stuárusâš satelliit, ive 2000 rääjist pisovávt almaidittum komovuotâsajattâh, mii jorá Eennâm pirrâ 368 km aloduvvâst 27 600 km tijmeliävttoin. Tot jorá Eennâmpáálu pirrâ pelnub tiijme kooskâi, 16 kerdid pirrâmpeeivist. Pirrâmpeeivist ISS jotá suullân siämmáá määđhi ko jis tot kirdáččij Enâmist Mánudâžân já maassâd.
Taat sajattâh lii jotkâ Ovtâstum staatâi Skylab- já Sovjetlito Mir- já Saljut-komovuotâsajattuvváid. Komovuotâsajattâh lii Kanada, Euroop, Jaapaan, Ruošâ já Brasilia komovuotâornijdumij sehe Ovtâstum staatâi komovuotâhaldâttuv ohtsâšhaahâ.
Puoh kirdemeh komovuotâsajattâhân, moh kevttih ryeššilâš rakkeet, páččojeh Baikonur kosmodromist Kazakstanist. Vuosmuu keerdi komovuotâsajattâhân paččui rakkeet Ovtâstum staatâin Cape Canaveral pääččimkuávdáást ive 2020.
Komovuotâsajattâh uáinoo päljis čolmijn Enâmân uánihâš puudâid, táválávt motomijd miinutijd häävild.
Käldeeh[mute | mute käldee]
- International Space Station https://www.nasa.gov/mission_pages/station/main/index.html
- International Space Station, Baikonur Cosmodrome https://www.nasa.gov/mission_pages/station/structure/elements/baikonur.html
- Live Space Station Tracking Map https://spotthestation.nasa.gov/tracking_map.cfm
- Suomâkiel Wikipedia
- Tim Peake: Ask an Astronaut. My Guide to Life in Space. European Space Agency
- Making History: NASA and SpaceX Launch Astronauts to Space! https://www.youtube.com/watch?v=pMsvr55cTZ0