The Beatles

The Beatles
The Beatles ive 1964. Čižetpeln uálgispel: John Lennon, Paul McCartney, George Harrison já Ringo Starr.
Tiäđuh
Aktiivlâžžân	1960–1970
Stijlâšlaajâ	poprock, psykedeelisâš rock, rock and roll, folkrock
Päikkisaje	Liverpool, Ovtâstum kunâgâskodde
Lávlumkielâ	eŋgâlâskielâ
Jesâneh	John Lennon, laavlâ, kiitaar, njälmiharppâ, kuoskâttâsčuojânâsah (1960–1969) Paul McCartney, kiitaar, basso, laavlâ, kuoskâttâsčuojânâsah (1960–1970) George Harrison, kiitaar, laavlâ (1960–1970) Ringo Starr, ruumbuh, laavlâ (1962–1970)
Ovdiih jesâneh	Stuart Sutcliffe, basso (1960–1961) Pete Best, ruumbuh (1960–1962)
Skiärrufinnodâh	EMI Records Apple Records

The Beatles lâi ive 1960 vuáđudum eŋlandlâš rockjuávkku. Tom aneh rock já pop pivnohumos já merhâšitteemus juávkkun.

The Beatles jesâneh lijjii liverpoolliih John Lennon (komppikiitaar, laavlâ, kuoskâttâsčuojânâsah já njälmiharppâ), Paul McCartney (bassokiitaar, kiitaar, kuoskâttâsčuojânâsah já laavlâ), George Harrison (kiitaar já laavlâ) já Ringo Starr (ruumbuh já laavlâ). Lennon já McCartney, kiäh rahtijn šuoŋâ stuárráámuu uásán pittáin, láin válduášáliih solisteh.

The Beatles lii kenski popmuusik merhâšitteemus juávkku. Juávhust tiättojii vuosmuu keerdi rock- já popjuávhui merhâšitteemus jiešvuođah siämmáá ääigi. Juávhu jesâneh rahtii šuoŋâ muusikân jiejah já sij čuojâttii sehe studiost ete lyeve alne. Juávkku keevtij kyehti kiitaar, basso já ruumbuid, mii ij lamaš vala táválâš tonáigásii muusikmaailmist. Juávhust ij lamaš ärbivuáválâš uáivisolist, mut juávhu čuávvojii ubâlâšvuottân, veik eres jesânijn lijjii jieijâs ihástâlleeh. Manager Brian Epstein raahtij juávkun tiäđulâš olgostiijlâ já almolâšvuotâkove, mut ij vaikuttâm ton muusikân. The Beatlesist lâi stuorrâ vaikuttâs toos, ete musikkáreh rähtiškuottii eenâb jieijâs muusik, já ete popmuusik aneškuottii taaiđâšlaaijân.

The Beatles jienâvuárháh láá vuobdum motomij árvui mield paijeel miljard pittád, já tot lii ubâ maailmist enâmustáá kávpálávt miänástum muusikjuávkku.

Jesâneh

• John Lennon
• Paul McCartney
• George Harrison
• Ringo Starr

Diskografia

Studioalbumeh

• Please Please Me (1963)
• With the Beatles (1963)
• A Hard Day's Night (1964)
• Beatles For Sale (1964)
• Help! (1965)
• Rubber Soul (1965)
• Revolver (1966)
• Sgt. Pepper's Lonely Hearts Club Band (1967)
• Magical Mystery Tour (1967)
• The Beatles (1968)
• Yellow Submarine (1969)
• Abbey Road (1969)
• Let it Be (1970)

Filmografia

• A Hard Day’s Night (1964)
• Help! (1965)
• Magical Mystery Tour (1967)
• Yellow Submarine (1968)
• Let It Be (1970)
• Anthology (1996) (maaŋgâuásásâš TV-dokumentelleekove)