Leonard Cohen

Wikipedia:st
Njuškii navigistmân Njuškii ucâmân
Leonard Cohen
Leonard Cohen concert of the 2008 tour.jpg
Persovntiäđuh
Šoddâm čohčâmáánu 21. peeivi 1934 (ahe 88)
Šoddâmsaje Montreal, Kanada
Jáámmám skammâmáánu 7. peeivi 2016 (82-ihásâžžân)
Los Angeles, Kalifornia, Ovtâstum staatah
Aalmugjeessânvuotâ kanadalâš
Musikkár
Lávlumkielah eŋgâlâskielâ
Aktiivlâžžân 1956–2016
Genreh folk, rock
Čuojânâsah kiitaar, piano, klarinet
Skiärrufinnodâh Columbia


Lasetiäđuh
Nommâčáálus Leonard Cohen signature.svg
Päikkisijđo http://www.leonardcohen.com/

Leonard Norman Cohen (21. čohčâmáánu 1934 Montreal, Kanada7. skammâmáánu 2016 Los Angeles, Kalifornia, Ovtâstum staatah) lâi kanadalâš lávloo-laavlârähtee, tivtâsteijee já kirječällee. Cohen algâttij karrieeris 1950-lovo loopâst tivtâsteijen já kirječällen, mut sirdâšui válduášálávt lávloo-laavlârähten ive 1966. Cohen tiivtah já lavluuh kieđâvušeh eromâšávt rähisvuođâ, oskolduv (táválávt juuvdálâšvuođâ), seeksi, monâttâs, vääldi já majemui aaigij meid jäämmim. Suu tobdomerkkâ lâi uáli vyeligis jienâ. Cohen lâi piivnoh eromâšávt Euroopist. Ive 2008 sun nomâttui Rock and Roll Hall of Famen já ive 2010 Songwriters Hall of Famen.

Tuávváš[mute | mute käldee]

Leonard Cohen šoodâi čohčâmáánu 21. peeivi 1934 Montrealist pivtâstemkäävpi omâsteijee Nathan Cohen pärnin. Leonard enni Masha kuulâi liettualii rabbisuuhân, tego kállás-uv. Leonardist lâi uábbi Esther (j. 2014). Eeči jaamij, ko Leonard lâi 9-ihásâš. Leonard oopâi pärnin čuojâttiđ pianoklarinet já nubálovihásâžžân meid kiitaar. Siämmáá ääigi sun kaavnâi kirjálâš ovdâkovveen tivtâsteijee Federico García Lorca. Sun čaalij vuossâmuid tiivtâid ive 1950 nuorâi kesileeirâst. Cohen luuvâi kirjálâšvuođâ, reekkigtuálu já irâttâsvuoigâdvuođâ nelji ive McGill-ollâopâttuvvâst.

Karrieer[mute | mute käldee]

Kirječällen[mute | mute käldee]

McGillist valmâštum maŋa Cohen almostitij ive 1956 vuossâmuu tihtâčuágálduv Let Us Compare Mythologies. Cohen tergâdumoseh fáádáh lijjii jo talle oskoldâh já seksi. Cohen joođhij uápuid New York Columbia ollâopâttuvvâst, kost suu ovdâkove García Lorca lâi meid máttááttâllâm. Cohen ij kuittâg lijkkum uáppoid já maacâi Montrealân. Ive 1959 sun finnij 3 000 dollar išeruuđâ já kuástidemsopâmuš suu čuávuváá kiirján. Išeruuđâ áánsust Cohen puovtij varriđ Lontoon. Ihepele maŋa sun varrij kreikkalii Hydra suollui já oostij táálu tobbeen. Cohen nubbe tihtâkirje The Spice-Box Of Earth almostui ive 1961 já suu vuossâmuš roomaan The Favourite Game ive 1963. Roomaan almostui Kanadast eskin 1970. Cohen čuávuvâš tihtâčuágáldâh Flowers for Hitler almostui 1964 já kieđâvušâi noomâs mield nube maailmsuáđi tábáhtusâid. Nubbe roomaan Beautiful Losers almostui ive 1966 já čuávuvâš tihtâčuágáldâh Parasites of Heaven siämmáá ive. Kirjeh iä kuittâg vuobdum tuárvi pyereest já nuuvtpa Cohen iberdij, ete sun ij puávtáččii elettâttâđ kirječällen. Ive 1966 sun sirdâšui lávloo-laavlârähten já almostitij tihtâčuágálduvâid tast maŋa häärviht.

Musikkárin[mute | mute käldee]

Cohen algâttij lávlookarrieer 31-ihásâžžân ive 1966. Čuávuváá ive sun raahtij sopâmuš Columbia-finnoduvváin já almostitij vuossâmuu skiäru Songs of Leonard Cohen juovlâmáánust 1967. Skiärru miänástui pyerebeht Euroopist ko Amerikist, tego puoh Cohen skiäruh. Skiäru almostum maŋa Cohen varrij Nashvillen já raahtij nube skiäru Songs from a Room (1969), mon tobdosumos pittá lii Bird on the Wire. Tot lâi piivnoh Ovtâstum kunâgâskoddeestRanskaast, mut ij miänástum Ovtâstum staatâin. Kuálmád skiärru Songs of Love and Hate almostui ive 1971. Stivrejeijee Robert Altman keevtij Cohen muusik elleekuuvijn McCabe and Mrs. Miller (1971) já A Wedding (1978). Cohen čuávuvâš skiärru New Skin for the Old Ceremony almostui 1974 já tot-uv vuobdui hyeneeht Ovtâstum staatâin, mut pyereest Euroopist. 1970-lovvoost almostuvvii vala Death of a Ladies' Man (1977) já Recent Songs (1979). Ive 1984 almostum Various Positions -skiäru tobdosumos pittá lâi Hallelujah. Čuávuvâš skiärru I'm Your Man (1988) miänástui pyerebeht já pajanij listokiäčán maaŋgâin Euroop enâmijn. Ive 1992 Cohen almostitij The Future, mii lâi pooliitlub ko suu ovdebááh skiäruh. Cohen raahtij ive 2001 almostum Ten New Songs oovtâst musikkár Sharon Robinsonáin. 2000-lovvoost sun almostitij meid skiäruid Dear Heather (2004), Old Ideas (2012) já Popular Problems (2014). Suu majemuš skiärru You Want It Darker almostui ive 2016.

Cohen jaamij Los Angelesist skammâmáánu 7. peeivi 2016.

Diskografia[mute | mute käldee]

Studioalbumeh[mute | mute käldee]

  • Songs of Leonard Cohen (1967)
  • Songs from a Room (1969)
  • Songs of Love and Hate (1971)
  • New Skin for the Old Ceremony (1974)
  • Death of a Ladies' Man (1977)
  • Recent Songs (1979)
  • Various Positions (1984)
  • I'm Your Man (1988)
  • The Future (1992)
  • Ten New Songs (2001)
  • Dear Heather (2004)
  • Old Ideas (2012)
  • Popular Problems (2014)
  • You Want It Darker (2016)

Livealbumeh[mute | mute käldee]

  • Live Songs (1973)
  • Cohen Live: Leonard Cohen in Concert (1994)
  • Field Commander Cohen: Tour of 1979 (2001)
  • Live in London (2009)
  • Songs from the Road (2010)

Kirjeh[mute | mute käldee]

Tihtâčuágálduvah[mute | mute käldee]

  • Let Us Compare Mythologies (1956)
  • The Spice-Box of Earth (1961)
  • Flowers for Hitler (1964)
  • Parasites of Heaven (1966)
  • Selected Poems 1956–1968 (1968)
  • The Energy of Slaves (1972)
  • Death of a Lady's Man (1978)
  • Book of Mercy (1984)
  • Stranger Music: Selected Poems and Songs (1993)
  • Book of Longing (2006)
  • The Lyrics of Leonard Cohen (2009)
  • Poems and Songs (2011)
  • Fifteen Poems (2012)
  • The Flame (2018)

Romaneh[mute | mute käldee]

  • The Favorite Game (1963)
  • Beautiful Losers (1966)

Käldeeh[mute | mute käldee]

Jurgâlus
Taat artikkâl teikkâ uási tast lii jurgâlum teikkâ toos láá uccum tiäđuh ereskielâlâš Wikipedia artikkâlist.
Algâalgâlâš artikkâl: fi:Leonard Cohen