Elin Anna Labba
| Elin Anna Labba Joná Gusttu Elin Ánná | |
|---|---|
| |
| Šoddâm | skammâmáánu 30. peeivi 1980 Kiärun |
| Pargo | |
| Áámmát | kirječällee já toimâtteijee |
| Noomah | Elin Anna Labba Joná Gusttu Elin Ánná |
| Kielâ | ruotâkielâ |
| Lasetiäđuh | |
| Päikkisijđo | https://www.buoritolbmot.com/ |
Elin Anna Labba (orjâlâškielân Joná Gusttu Elin Ánná; š. skammâmáánu 30. peeivi 1980, Kiärun, Ruotâ) lii sämmilâš kirječällee já toimâtteijee Ruotâ peln. Sun lii vuáittám maaŋgâid palhâšuumijd suu vuossâmuu kirjestis Herrarna satte oss hit: om tvångsförflyttningarna i Sverige, mii kovvee, maht sämmiliih páguttuvvojii varriđ Taažâst Ruotân 1920-lovvoost.
Eellim
[mute | mute käldee]Elin Anna Labba šoodâi skammâmáánu 30. peeivi 1980 Kiärunist, kost sun meid rávásmij.[1] Te sun varrij Göteborgân luuhâd journalistiik Göteborg ollâopâttuv Journalistiik, mediai já viestâdem instituutist.[2] Jo škoovlâ ääigi Labba poorgâi toimâtteijen P4 Norrbottenist, SR Sápmist já uđâsloostâst Samefolketist.[1] Sun valmâštui ive 2008.[2]
Valmâštum maŋa sun poorgâi uáivitoimâtteijen sämmilij nuorâi loostâst Nuorat já viestâdemhovdân Laponiatjuottjudusist.[3] Onnáá peeivi sun parga proojeekthovdân kirječällei kuávdáást Tjállegoahtest Juhâmohheest.
Ive 2020 almostui Labba vuossâmuš kirje Herrarna satte oss hit: om tvångsförflyttningarna i Sverige. Siämmáá ive tiätukirje almostui orjâlâškielân-uv noomáin Hearrát dat bidje min: bággojohtimiid birra. Čuávuváá ive tot almostui tárukielân noomáin Herrene sendte oss hit: om tvangsflyttingen av samene. Tot ij lah almostum anarâškielân.
Ive 2024 almostui Labba vuossâmuš roomaan Far inte till havet. Siämmáá ive Lea Simma orjâlâškielân jurgâlâm versio Ale mana merrii almostui.[4]
Palhâšumeh
[mute | mute käldee]Ive 2020 Labba vuoitij August-palhâšume ruotâkielâg kirjestis Herrarna satte oss hit: om tvångsförflyttningarna i Sverige. Čuávuváá ive sun vuoitij siämmáá kirjeest meid Norrland-kirjálâšvuotâpalhâšume. Ive 2022 sun finnij Rubus arcticus -stiipeend. Kesimáánust 2024 Juulev teknisâš ollâopâttâh nomâttij suu kunneetuáhtárin.[5]
Kirjeh
[mute | mute käldee]- Herrarna satte oss hit: om tvångsförflyttningarna i Sverige, Norstedts 2020, ISBN 9789113101682 (ruotâkielân)
- Far inte till havet, Norstedts 2024, ISBN 9789113113401 (ruotâkielân)
Antologiain
[mute | mute käldee]- Du blir vad du säger: om hatspråk, yttrandefrihet och vikten av ett demokratiskt samtal, toim. Henrik Sjöberg, Ingrid Carlberg, Jesper Bengtsson, Norstedts 2021, ISBN 9789113117881 (ruotâkielân)
- Inifrån Sápmi: vittnesmål från stulet land, toim. Patricia Fjellgren já Malin Nord, Verbal 2021, ISBN 9789189155497 (ruotâkielân)
Jurgâlusah Labba kiirjijn
[mute | mute käldee]- Hearrát dat bidje min: bággojohtimiid birra, Norstedts, 2020, ISBN 9789113102436 (ruotâkielâst orjâlâškielân jurgâlâm Lea Simma)
- Herrene sendte oss hit: om tvangsflyttingen av samene, Pax, 2021, ISBN 9788253042480 (ruotâkielâst tárukielân jurgâlâm Trude Marstein)
- Ale mana merrii, Norsteds, 2024, ISBN 9789113123486 (ruotâkielâst orjâlâškielân jurgâlâm Lea Simma)[4]
Käldeeh
[mute | mute käldee]- ↑ 1,0 1,1 Elin Anna Labba. Biblioteken i Norrbotten. Čujottum 7.11.2021 (ruotâkielân)
- ↑ 2,0 2,1 Möt JMG:s studenter i journalistik. Journalistiik, mediai já viestâdem instituut. Čujottum 7.11.2021 (ruotâkielân)
- ↑ Dags att öppna porten till världsarvet!. Gällivare kommun. 26.9.2014. Čujottum 7.11.2021 (ruotâkielân)
- ↑ 4,0 4,1 Ale mana merrii Finna. Čujottum 10.10.2024. (tavesämikielân)
- ↑ Luleå tekniska universitets nya hedersdoktorer 2024 Juulev teknisâš ollâopâttâh. 19.6.2024. Čujottum 10.10.2024. (ruotâkielân)