Braunwald
| Braunwald oovdiš kieldâ |
|
|---|---|
 Glarus Aalpah (kove lii valdum Braunwaldist) |
|
 vaakun |
|
  Braunwald |
|
|
Koordinaateh: |
|
| Staatâ |
 Sveicci |
| Kanton |
 Glarus |
| Tááláš kieldâ | Glarus Süd |
| Vuáđudum | 1939[1] |
| Lopâttum | 31.12.2010 |
| Vijđodâh | 10,19 km² |
| Alodâh | 1 256 m |
| Ässeeloho | 275[2] (31.12.2023) |
| Ässeesaahâdvuotâ | 26,99 ässed/km² |
| Äigi | UTC+1 |
| – kesiäigi | UTC+2 |
| Kieldânummeer | 1603 |
| Postânummeer | 8784 |
| Sundenummeer | 055 |
 Braunwald kieldâ |
 Glarus kanton |
Braunwald lii oovdiš kieldâ Glarus kantonist, Sveeicist. Ive 2023 loopâst Braunwaldist assii 275 olmožid. Kieldâ vijđodâh lâi 10,19 km². Braunwald lii uccâ autottes siijdâš, kuus ij lah luoddâ já piäsá tuše várádâhjunáin. Braunwald várádâhjunásajattâh lii 1 256 m merâtääsi paajaabeln.[3]
Historjá
[mute | mute käldee]Braunwald vuáđudui ive 1421, mut aalgâst tobbeen lijjii ässeeh tuše keessiv. Esken 1700-lovvoost ulmuuh asâškuottii Braunwaldist pirrâ ive. 1800-lovvoost tohon huksejii pegâlmâs puáráttuv, mast ellii ennuv riges ulmuuh. Rakânâs lii vala kiävtust, mut tääl tot lii vajoidittempyecceiviäsu. Várádâjunárađe poođij ive 1907, mon maŋa šoddii motomeh hotelleh. Onnáá peeivi Braunwaldist láá meiddei maaŋgah luámutááluh, main Zürichist já ton kuávlust ässee ulmuuh viettih rijjâääigis. Taan keežild Braunwald ässeeloho lii merhâšitteht aaleeb luámupoojij ääigi.
Ive 1725 rääjist ovtâskâs perruuh assii pisovávt Braunwaldist. Braunwald škovlâ vuáđudui ive 1841, já tot finnij jieijâs rakânâs ive 1857.[1]
Kieldâlahtem
[mute | mute käldee]Braunwald kieldâ lopâttui ive 2010 loopâst, ko Betschwanden, Braunwald, Elm, Engi, Haslen, Linthal, Luchsingen, Matt, Mitlödi, Rüti, Schwanden, Schwändi já Sool kieldah lahtojii oohtân já šoodâi uđđâ Glarus Süd kieldâ. Uđđâ kieldâst ääsih 9 884[2] olmožid (31.12.2023), já ton vijđodâh lii 430,03[4] km2.
Viehâdâh
[mute | mute käldee]Ässeeloho
[mute | mute käldee]Braunwaldist assii 327 olmožid ive 1941, 402 olmožid ive 1950, 491 olmožid ive 1960 já 408 olmožid ive 2000.[1]
Čuávuváá tavlustuvâst lii Braunwald ässeeloho ive 2017 rääjist Glarus Süd kieldâ virgálij nettisiijđoi mield:[2]
Eennâmtiätu
[mute | mute käldee]Šoŋŋâdâh
[mute | mute käldee]Braunwaldist muáttá koskâmiärálávt 9 m jyehi täälvi, mon áánsust Braunwald lii niäljádin muottiimus sijdâ ubâ Euroopist.[5]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Braunwald.
- Glarnerland (eŋgâlâskielân)
- Braunwald (saksakielân)
Käldeeh
[mute | mute käldee]- ↑ a â b Marti-Weissenbach, Karin: Braunwald Dizionario storico della Svizzera. Čujottum 6.10.2020. (italiakielân)
- ↑ a â b Einwohnerzahlen glarus-sued.ch. Čujottum 18.12.2024. (saksakielân)
- ↑ Braunwald Mapcarta. Čujottum 18.12.2024. (eŋgâlâskielân)
- ↑ Flächenvergleich Gemeinde Glarus Süd. Čujottum 17.12.2021. (saksakielân)
- ↑ Top 10 snowiest ski resorts - Europe Weathertoski. Čujottum 17.12.2021. (eŋgâlâskielân)
| Táálááh kieldah |  | |
|---|---|---|
| Ovdiih kieldah | Betschwanden • Bilten • Braunwald • Diesbach • Elm • Engi • Ennenda • Filzbach • Glarus • Haslen • Hätzingen • Kerenzen-Mühlehorn • Leuggelbach • Linthal • Luchsingen • Matt • Mitlödi • Mollis • Mühlehorn • Näfels • Netstal • Nidfurn • Niederurnen • Oberurnen • Obstalden • Riedern • Rüti • Schwanden • Schwändi • Sool | |