Braunwald
| Braunwald Oovdiš kieldâ |
|
|---|---|
 |
|
 |
|
 |
|
| Staatâ |
 Sveicci |
| Kanton | Glarus kanton |
| Tááláš kieldâ | Glarus Süd |
| Lopâttum | 31.12.2010 |
| Vijđodâh | 10,13 km² |
| Alodâh | 1 256 m |
| Ässeeloho | 298[1] (31.12.2020) |
| Ässeesaahâdvuotâ | 29,42 ässed/km² |
Braunwald lii oovdiš kieldâ Sveeicist, Glarus kantonist. Braunwaldist ääsih 298 olmožid. Ton vijdodâh lii 10,13 km², já alodâh 1 256 m. Braunwald lii uccâ autottes siijdâš, kuus ij lah luoddâ já piäsá tuše várádâhjunáin.
Historjá[Mute | Mute käldee]
Braunwald vuáđudui ive 1421, mut aalgâst tobbeen lijjii ässeeh tuše keessiv. Esken 1700-lovvoost ulmuuh asâškuottii Braunwaldist pirrâ ive. 1800-lovvoost tohon huksejii pegâlmâs puáráttuv, mast ellii ennuv riges ulmuuh. Rakânâs lii vala kiävtust, mut tääl tot lii vajoidittempyecceiviäsu. Várádâjunárađe poođij ive 1907, mon maŋa šoddii motomeh hotelleh. Onnáá peeivi Braunwaldist láá meiddei maaŋgah luámutááluh, main Zürichist já ton kuávlust ässee ulmuuh viettih rijjâääigis. Taan keežild Braunwald ässeeloho lii merhâšitteht aaleeb luámupoojij ääigi.
Braunwald kieldâ lopâttui ive 2010 loopâst, ko Betschwanden, Braunwald, Elm, Engi, Haslen, Linthal, Luchsingen, Matt, Mitlödi, Rüti, Schwanden, Schwändi já Sool kieldah lahtojii oohtân já šoodâi uđđâ Glarus Süd kieldâ. Uđđâ kieldâst ääsih 9 634[1] olmožid (31.12.2020), já ton vijđodâh lii 430,03[2] km2.
Viehâdâh[Mute | Mute käldee]
Ässeeloho[Mute | Mute käldee]
| Ihe | Ässeeloho[3] |
|---|---|
| 1941 | 327 |
| 1950 | 402 |
| 1960 | 491 |
| 2000 | 408 |
Šoŋŋâdâh[Mute | Mute käldee]
Braunwaldist muáttá koskâmiärálávt 9 m jyehi täälvi, mon áánsust Braunwald lii niäljádin muottiimus sijdâ ubâ Euroopâst.[4]
Fáádást eres soojijn[Mute | Mute käldee]
- Glarnerland (eŋgâlâskielân)
- Braunwald (saksakielân)
Kovegalleria[Mute | Mute käldee]
UHU-raavâdviäsu
Hüttenberg
Várádâhjuná
Kirkko
Ortstockhaus
Rehaklinik
.jpg)
Käldeeh[Mute | Mute käldee]
 |
Wikimedia Commonsist láá koveh teikkâ eres tiätuvuárháh fáádást Braunwald. |
- ↑ 1,0 1,1 Einwohnerzahlen der Gemeinde Glarus Süd - Stand 31.12.2020 Gemeinde Glarus Süd. Čujottum 17.12.2021. (saksakielân)
- ↑ Flächenvergleich Gemeinde Glarus Süd. Čujottum 17.12.2021. (saksakielân)
- ↑ Karin Marti-Weissenbach: Braunwald Dizionario storico della Svizzera. Čujottum 6.10.2020. (italiakielân)
- ↑ Top 10 snowiest ski resorts - Europe Weathertoski. Čujottum 17.12.2021. (eŋgâlâskielân)
| ||||||||||
