Barbara Walters
Barbara Jill Walters (čohčâmáánu 25. peeivi 1929 – juovlâmáánu 30. peeivi 2022) lâi ovtâstumstaatâlâš toimâtteijee.[1]
Eellim[mute | mute käldee]
Barbara Jill Walters šoodâi čohčâmáánu 25. peeivi 1929 Bostonist, Ovtâstum staatâin. Suu vanhimeh láin Lou Walters (šoddâm Louis Abraham Warmwater) já Dena Walters (j.s. Seletsky). Walters eeči šoodâi Lontoost ive 1898 já varrij New Yorkân oovtâst ejijnis já viljâidiskuin porgemáánu 28. peeivi 1909. Suu enni já nelji uábi värrejii toho čuávuváá ive.[2]
Walters juuđij škoovlâ Brooklinest (Massachusettsist), Miami Beachist (Floridast) já New Yorkist, kost sun valmâštui ive 1947.[3]
Walters jaamij pääihist Manhattanist juovlâmáánu 30. peeivi 2022 93-ihásâžžân.[4][5]
Priivaat eellim[mute | mute käldee]
Walters lâi naaijâm Robert Henry Katzáin iivij 1955–1957, Lee Guberáin iivij 1963 –1976 já Merv Adelsonáin iivij 1981–1984 já oppeet iivij 1986–1992. Sust lâi ohtâ nieidâ, Jacqueline Dena Guber (š. 1968), kiäm suoi Guberáin adoptistijn ive 1968.[6]
Karrieer[mute | mute käldee]
Ive 1961 Walters finnij pargo NBC-kanava ohjelmist The Today Show. Ive 1974 Waltersist šoodâi The Today Show vuossâmuš nissoonjođetteijee. Vittâ ive maŋeláá sun sirdâšui ABC rááiđun 20/20. Sun vuolgij rááiđust ive 2004. Sun jođettij The View -savâstâllâmohjelm iivij 1997–2014.
Walters finnij tääsni Hollywood Walk of Famen kesimáánust 2007.[7]
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Barbara Walters.
- Barbara Walters Internet Movie Databasest (eŋgâlâskielân)
Käldeeh[mute | mute käldee]
- ↑ Dagan, Carmel: Barbara Walters, Pioneering Journalist and Queen of Celebrity Interviews, Dies at 93 Variety. 30.12.2022. Čujottum 1.1.2023. (suomâkielân)
- ↑ Internet Archive: Audition: a memoir. New York : A.A. Knopf, 2008. ISBN 978-0-307-26646-0, 978-0-307-27996-5. Tyeje nettiversio (čujottum 1.1.2023).
- ↑ Maureen Dowd: AND NOW BACK TO YOU, BARBARA The New York Times. 25.3.1990. Čujottum 1.1.2023. (eŋgâlâskielân)
- ↑ Dagan, Carmel: Barbara Walters, Pioneering Journalist and Queen of Celebrity Interviews, Dies at 93 Variety. 31.12.2022. Čujottum 1.1.2023. (eŋgâlâskielân)
- ↑ Stanley, Alessandra: Barbara Walters, a First Among TV Newswomen, Is Dead at 93 The New York Times. 31.12.2022. Čujottum 1.1.2023. (eŋgâlâskielân)
- ↑ Barbara Walters, Others Tell Personal Adoption Stories ABC News. Čujottum 1.1.2023. (eŋgâlâskielân)
- ↑ Hollywood star for TV's Walters news.bbc.co.uk. 15.6.2007. Čujottum 1.1.2023. (eŋgâlâskielân)