Annika Pasanen
| Annika Pasanen | |
|---|---|
| |
| Šoddâm | čohčâmáánu 7. peeivi 1976 Kinnula |
| Pargo | |
| Instituut | Helsig ollâopâttâh |
| Tutkâmfáddá | uuraallâš kielah
|
Annika Pasanen (š. čohčâmáánu 7. peeivi 1976, Kinnula, Suomâ) lii syemmilâš kielâtotkee. Suu tutkâmfáddán láá lamaš uhkevuálásiih uuraalliih kielah, ovdâmerkkân anarâškielâ. Pasanen lii kielâtutkâm lasseen uásálistám maŋgáid uuraallij kielâi kielâiäláskittemprosesáid já kielâpiervâltooimâ oovdedmân sehe Suomâst já Ruošâst.
Pasanen pro gradu -tuuđhâlm Kielipesä ja revitalisaatio – karjalaisten ja inarinsaamelaisten kielipesätoiminta (2003) kieđâvuš anarâš- já kärjilkielâ kielâpiervâltooimâ. Suu ive 2015 almostittum náguskirje Kuávsui já peeivičuovâ. ’Sarastus ja päivänvalo’. Inarinsaamen kielen revitalisaatio. kieđâvuš anarâškielâ kielâiäláskittem.[1]
Pasanen áásá tááláá ääigi Aanaar Rivdulist já lii porgâm ive 2021 aalgâ rääjist Säämi ollâopâttuv sosiolingvistiik professorin. Ovdil professor virge sun poorgâi Helsig ollâopâttuv totkeetuáhtárin, fáddán sämikielâi oppâm rävisolmožin.[1][2]
Käldeeh
[mute | mute käldee]- ↑ a â Annika Pasanen nettisaje.wikidot.com. Čujottum 21.8.2025.
- ↑ Kuldâl jienâ: Kielâtotkee Annika Pasanen Säämi ollâškoovlâ uđđâ professorin – sun ana pargo pyereeb máhđulâšvuotân ovdediđ sämikielâi iäláskittem yle.fi. 17.11.2020. Čujottum 21.8.2025.