Ana Tijoux
| Anamaría Tijoux Merino | |
|---|---|
| |
| Persovntiäđuh | |
| Šoddâm | kesimáánu 12. peeivi 1977 |
| Šoddâmsaje | Lille, Ranska |
| Aalmugjeessânvuotâ | Chile já Ranska |
| Musikkár | |
| Artistnommâ | Ana Tijoux Anita Tijoux |
| Aktiivlâžžân | 1997– |
| Genreh | pooliitlâš ráp, trip hop, R&B, urban contemporary |
| Skiärrufinnodâh | Nacional Records |
| Palhâšumeh | |
| BBC 100 nisonid (2020) | |
| Peerâ | |
| Vaanhimeh | María Emilia Tijoux Roberto Merino Jorquera |
| Pelikyeimi | Jon Grandcamp (kuovâmáánu 2019 rääjist) |
| Párnááh | 2 |
| Lasetiäđuh | |
| Päikkisijđo | https://anatijoux.bandcamp.com/ |
.jpg)
Ana Tijoux, olmâ nommâ Anamaría Tijoux Merino (š. kesimáánu 12. peeivi 1977, Lille, Ranska) lii chilelâš-ranskalâš ráppájeijee, hiphop-musikkár, feminist já aktivist.
Eellim
[mute | mute käldee]Anamaria Tijoux šoodâi kesimáánu 12. peeivi 1977 Lillest, Ranskaast, kuus suu vaanhimeh láin patârâm Chilest Augusto Pinochet jiešvääldi tiet ive 1976.[1] Suu eeči lâi Douglas Olivares, já suu enni lii sosiologia professor já totkee María Emilia Tijoux.[2] Suu vaanhimeh iäránáin, ko Tijoux lâi páárnáš. Maŋeláá suu enni naajâi perruu ustev já chilelâš patâreijee Roberto Merino Jorquerain, kiäst maŋeláá šoodâi Anamaria eeči meid virgálávt.[3]
Ive 1982 sij värrejii pargo tiet Lillest Pariisin, kost sij assii Bellevillest já Saint Mauricest.[4] Ive 1983 vaanhimeh vuolgâttáin 6-ihásâš Tijoux ohtuu kirdemmašináin Ranskaast Chilen teivâđ ááhus, äijihis já eres huolhijdis, kiäh lijjii pááccám toho.[1] Tot lâi vuossâmuš kerdi, ko Tijoux ooinij Chile já suuvâs. Tijoux kiirdij toho ohtuu tondiet ko suu vaanhimeh iävá puáhtám vyelgiđ fáárun, tastko Pinochet lâi vala staatâhovdân.[1]
Ko Tijoux lâi 12-ihásâš, suu eeči surmij jieijâs.[1]
Kuovâmáánust 2019 Tijoux naajâi ranskalâš musikkár Jon Grandcamp Jráin.
Karrieer
[mute | mute käldee]Ana Tijoux kuulâi Makiza-nommâsii juávkun. Tot lâi chilelâš hiphop-juávkku, mii vuáđudui ive 1997. Ana lasseen juávhust lijjii kulmâ eres jeessân. Juávkku lii almostittâm ohtsis nelji album, main vuossâmuš almostui ive 1998 já majemuš ive 2005.[5]
Ive 2006 Ana algâttij soolokarrieeris. Suu vuossâmuš album almostui ive 2007, já nubbe ive 2010. Vuossâmuš album lii ollásávt espanjakielân. Nube albumist vist Ana ráppáá sehe espanja- já ranskakielân.
Palhâšumeh
[mute | mute käldee]Ive 2020 BBC valjij Tijoux 100 nisonid -liiston.[6]
Grammy Awards
[mute | mute käldee]| Ihe | Kategoria | Album | Puáđus |
|---|---|---|---|
| 2011 | Pyeremus Latin Rock, Urban teikâ Alternative album | 1977 | Iävtukkâsvuotâ |
| 2013 | La Bala | Iävtukkâsvuotâ | |
| 2015 | Vengo | Iävtukkâsvuotâ |
Latin Grammy Awards
[mute | mute käldee]| Ihe | Kategoria | Album/Laavlâ | Puáđus |
|---|---|---|---|
| 2012 | Pyeremus urbaanlâš muusikalbum | La Bala | Iävtukkâsvuotâ |
| 2013 | Pyeremus urbaanlâš laavlâ | "Sacar la Voz" (oovtâst Jorge Drexleráin) | Iävtukkâsvuotâ |
| 2014 | "Vengo" | Iävtukkâsvuotâ | |
| Ive skiärru | "Universos Paralelos" (oovtâst Jorge Drexleráin) | Vuáittu | |
| Ive laavlâ | Iävtukkâsvuotâ |
Diskografia
[mute | mute käldee]
Makiza-juávhust
[mute | mute käldee]Sooloskiäruh
[mute | mute käldee]Singleh
[mute | mute käldee]- 2016 – "Calaveritas" (oovtâst Celso Piñain)
- 2016 – "Luchín"
- 2019 – "Cacerolazo"
- 2020 – "Libertad"
- 2020 – "Antifa Dance"
- 2020 – "No estamos solas"
- 2020 – "Pa que"
- 2020 – "Rebelión de octubre" (oovtâst MC Millarayin)
- 2021 – "Mal"
- 2023 – "Niñx"
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Ana Tijoux.
Käldeeh
[mute | mute käldee]- ↑ 1,0 1,1 1,2 1,3 Ana Tijoux: “Yo estaba feliz rapeando, pero la fama me enajenó” El País. 18.11.2019. Čujottum 11.4.2021. (espanjakielân)
- ↑ María Emilia Tijoux Hemispheric Institute of Performance and Politics. 2017. Čujottum 11.4.2021. (eŋgâlâskielân)
- ↑ Acevedo, Rocío Román. Ana Tijoux, la voz de las mujeres que callan ante la violencia El Financiero. 18.12.2019. Čujottum 11.4.2021. (espanjakielân)
- ↑ Ponce, David. Ana Tijoux MusicaPopular.cl. Čujottum 11.4.2021. (espanjakielân)
- ↑ Enciclopedia del Rock, Grupo Makiza web.archive.org. 11.2.2012. Čujottum 29.6.2023. (espanjakielân)
- ↑ BBC 100 Women 2020: Who is on the list this year? BBC. 23.11.2020. Čujottum 11.4.2021. (eŋgâlâskielân)
- ↑ Ana Tijoux's New 'Elefant' Mixtape www.npr.org. Čujottum 29.6.2023. (eŋgâlâskielân)