A.V. Koskimies

Wikipedia:st
Siirry navigaatioon Siirry hakuun

Aukusti Valdemar Koskimies (ive 1906 räi Forsman; 7. uđđâivemáánu 1856 Pihlajavesi, Keuruu, Suomâ stuorrâfurstâkodde5. kesimáánu 1929 Helsig, Suomâ) lâi syemmilâš kielâtotkee, máttáátteijee, professor já kirječällee.[1]

Eellim[Mute | Mute käldee]

Aukusti Valdemar kuulâi Forsman suuhân. Suu vaanhimeh láin Isokyrö kirkkohiärrá Oskar Vilhelm Forsman já Maria Gustafva Ahlholm. Koskimies luuvâi pajeuáppen ive 1874 Vasa svenska lyceumist. Filosofia kandidaatin sun valmâštui ive 1882 já tuáhtárin ive 1891. Ive 1900 Aukusti naajâi Ilta Evelinain (oovdiš Bergroth; 22.11.1879 – 9.11.1958). Suoi finnijn oovtâ nieidâ, Aamu Aulikki Kotivalo, kii šoodâi ive 1904.

Karrieer[Mute | Mute käldee]

Keessiv ive 1886 Koskimies juuđij kulmâ mánuppaje Anarist já nuurâi vijđes mainâsvuárhás Inarinlappalaista kansantietoutta -kiirján, mii siskeeld paijeel 400 sijđod anarâškielâg aalmugärbivyevi. Vuosâteddilâs almostui eskin ive 1917, ko T.I. Itkonen jurgâlij mainâsijd suomâkielân, tievâsmitij taid jieijâs pajasčälimijgijn já toimâttij tain kirje. Koskimies keežild meid anarâšah jieijah čäliškuottii sämikielân, ko suu Helsigân maccâm maŋa kielâmiäštáreh čallii sunjin reeivâin lase muštâlusâid.

Koskimies almostitij maaŋgâid olgosdalduvâid já čuágálduvâid. Sun finnij professor árvunoomâ ive 1926.

Čalluuh[Mute | Mute käldee]

  • Kristfriid Ganander, eräs Porthanin työkumppani (Forsman, A. V.). Syemmilâš kirjálâšvuođâ servi, Helsig 1887.
  • Tutkimuksia Suomen kansan persoonallisen nimistön alalta 1. Pakanuuden aikainen nimistö. Lisensiaatpargo. Čällee jieijâs kuástádâssáin, Helsig 1891.
  • Taavetti Emanuel Taneli Europaeus. Gummerus, Jyväskylä 1896.
  • Novellivalikoima suomalaisten kirjailijain teoksista. WSOY, Porvoo 1904.
  • Kokoelma suomalaista runoutta koulua ja kotia varten. Yrjö Weilin, Helsig 1905.
  • Suomalaisuuden liiton nimiopas. Yrjö Weilin, Helsig 1907.
  • Inarinlappalaista kansantietoutta. Toimâttâm já almostittâm A. V. Koskimies já T. I. Itkonen. Societé finno-ougrienne, Helsig 1917.
  • Lisäyksiä Jusleniuksen Sana-Lugun Coetukseen. Salomon Kreander já Juhana Castrén; almostittâm A. V. Koskimies. Syemmilâš kirjálâšvuođâ servi, Helsig 1917.
  • Agricolasta Juteiniin. Kirjallis- ja kielihistoriallisia näytteitä vanhemmasta suomalaisesta kirjallisuudesta. WSOY, Helsig 1921.
  • Vuosien varrelta. Runoelmia. WSOY, Porvoo 1926.

Käldeeh[Mute | Mute käldee]

  1. Koskimies, August Valdemar (1856 - 1929) Biografiakeskus (suomâkielân)

A.V. Koskimies Sämimuseo Siida

Omin Sanoin (pdf-tiätuvuárkká) ISBN 951-746-820-2 s.77

Kohtauspaikkana kieli. Näkökulmia persoonaan, muutoksiin ja valintoihin. Toim. Taru Nordlund, Tiina Onikki-Rantajääskö, Toni Suutari, Suomalaisen Kirjallisuuden Seuran Toimituksia 1078, Helsinki 2006 ISBN 951-746-820-2 s.401-405