Wikipedia:Oho artikkâl/50 (2024)
Timo Johannes Parvela (š. vyesimáánu 19. peeivi 1964 Jyväskylä, Suomâ) lii syemmilâš kirječällee, kii lii čáállám paijeel čyeti kirjed puohahasijd ulmuid. Čaabâkirjálâšvuođâ lasseen Parvela lii čáállám škovlâkiirjijd já kietâčalluid radio- já televisio-ohjelmáid. Kiirjij lasseen sun lii tobdos luuhâmmáátu piälušteijen.
Parvela kirjeh láá jurgâlum suullân 40 kielân, já toh láá vuobdum ohtsis paijeel kuttâ miljovn pittád sehe Suomâst já olgoenâmijn. Suu kiirjijn láá rahtum meid maaŋgâlágán teatter-, televisio- já elleekoveversioh.