Wikipedia:Oho artikkâl/49 (2023)

King Crimson lii Lontoost puáttee eŋlandlâš muusikjuávkku, mii lii ohtâ progressiivlâš rock vuosmuin já tehálumosijn juávhuin. Tom vuáđudáin kitarist Robert Fripp já rumbal Michael Giles ive 1968. Juávhu jesâneh láá mulsâšum ennuv, já juávkku lii pieđgânâm maŋgii. Fripp lii-uv lamaš juávhu áinoo pisovâš jeessân, veik sun ij anegin jieččân juávhu jođetteijen.

Juávkku kulostui vuosâalbumistis In the Court of the Crimson King (1969), mon aneh kuásnii vuossâmužžân progressiivlâš rock albumin. Album tobdosumos pittá lii "21st Century Schizoid Man", mast maaŋgah juávhuh láá ráhtám cover-versio.