Stuorrâpaaccâhlodde
| Stuorrâpaaccâhlodde Loxia pytyopsittacus (Borkhausen, 1793) |
|
|---|---|
 |
|
| Tile | LC (eellimvuáimálâš)[1] |
| Tile Suomâst | LC (eellimvuáimálâš)[2][3] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Varbuslodeh Passeriformes |
| Hiäimu | Piäippáineh Fringillidae |
| Suuhâ | Paaccâhlodeh Loxia |
| Šlaajâ | pytyopsittacus |
Stuorrâpaaccâhlodde lii varbuslodde, mii kulá piäippáinij hiäimun.
Stuárudâh já tobdomeerhah[mute | mute käldee]
Stuorrâpaaccâhlodde lii 16–18 cm kukke já tiäddá 50–62 g. Ores lii ruopsâd já niŋálâs fiskisruánáá. Nuorâ lodde lii ruškisräänis já sárgáá. Lode jyelgih já njune láá tevkisruškâdeh, já ton kirdemjienâ lii uánihis "kip, kip". Stuorrâpaaccâhlodde sulâstit ennuv paaccâhloddáá, já távjá lii-uv väädis iäruttiđ šlaajâid nubijnis. Pyeremus tobdomerkkâ lii stuorrâpaaccâhlode kasseeb njune.[4]
Lavdâm já eellimpiirâs[mute | mute käldee]
Stuorrâpaaccâhlodde iälá iänáážin Tave-Enâmij já Uárji-Ruošâ pecivuovdijn. Suomâst tot pessee masa ubâ enâmist, eereeb Säämi tuodârkuávluin.[5] Suomâ pessimnääli mulsâšud ennuv ihásávt peesi siemâšado mield: motomij iivij tot lii tuše 10 000 paarrâd já motomin joba 100 000 paarrâd. Stuorrâpaaccâhlodde vaajâld ive pirrâ raavâd maajeeld, eromâšávt tállán pessim maŋa njuhčâmáánust. Uási luudijn tálvástâleh Suomâst, uási vajâldeh čohčuv Koskâ-Euroopân.[4]
Lasanem[mute | mute käldee]
Stuorrâpaaccâhlodde piervâld kuácceemuorân kierruu piällás. Niŋálâs mannee uđđâive-njuhčâmáánust 3–5 mane já láálá taid 14–16 peivid. Ores piämmá niŋálâs läällim ääigi. Uđâgááh vyelgih piervâlist 25 peeivi ahasâžžân.[4]
Raavâd[mute | mute käldee]
Stuorrâpaaccâhlodde porá peesi já kuosâ siemânijd.[4]
Käldeeh[mute | mute käldee]
 |
Wikimedia Commonsist láá koveh teikkâ eres tiätuvuárháh fáádást Stuorrâpaaccâhlodde. |
- ↑ IUCN Red List Čujottum 4.11.2021 (eŋgâlâskielân)
- ↑ Valkama, Jari: Stuorrâpaaccâhlodde – Loxia pytyopsittacus Suomen Lajitietokeskus. 2019. Čujottum 30.3.2022. (suomâkielân)
- ↑ BirdLife Suomi Čujottum 4.11.2021 (suomâkielân)
- ↑ 4,0 4,1 4,2 4,3 Luontoportti.fi Čujottim 4.11.2021 (suomâkielân)
- ↑ Suomen lintuatlas Čujottim 4.11.2021 (suomâkielân)