Sonvico
Sonvico oovdiš kieldâ |
|
---|---|
![]() Sonvico |
|
![]() vaakun |
|
![]() ![]() Sonvico |
|
Koordinaateh: |
|
Staatâ |
![]() |
Kanton |
![]() |
Pirrâdâhkodde | Lugano |
Tááláš kieldâ | Lugano |
Vuáđudum | 1803 |
Lopâttum | 2013 |
Vijđodâh | 11,06[1] km² |
Alodâh | 597[1][2] m |
Ässeeloho | 1 835[3] (2012) |
Ässeesaahâdvuotâ | 165,91 ässed/km² |
Äigi | UTC+1 |
– kesiäigi | UTC+2 |
Kieldânummeer | 5224 |
Postânummeer | 6968 |
Sundenummeer | 091 |
![]() Sonvico kieldâ |
![]() Ticino kanton |
Sonvico lii oovdiš kieldâ Lugano pirrâdâhkoddeest, Ticino kantonist, Sveeicist. Onnáá peeivi tot lii Lugano kaavpug kaavpuguási. Ive 2012 Sonvicost assii 1 835 olmožid.[3] Kieldâ vijđodâh lâi 11,06[1] km², já ton ässeesaahâdvuotâ lâi 165,91 ässed/km².
Sonvico naaburkieldah lijjii Cadro, Capriasca, Cimadera, Lugano já Valcolla Sveeicist sehe Valsolda Italiast.
Sonvico kieldâ vuáđudui virgálávt ive 1803 talle ko Ticino kanton seervâi Sveeici vuárnumliiton.
Historjá
[mute | mute käldee]Sonvico kuávlu lâi aassum jo ryevdipaje ääigi. Ton lasseen tobbeen láá kavnum meiddei roomaliih já longobardisiih tiiŋgah. Koskâääigi Sonvico lâi lannedum sijdâ. Lanne suojâlij siijdâ, já siijdâ pirrâ lâi muvrâ. Lanne huksejui ovdil ive 1326, mut to tuššâdui ive 1517.[3]
Aalgâst Sonvico kuulâi Lugano servikoodán, mut tot iäránij tast ive 1419. Sonvico servikoodán kullii el. Cadro já Davesco-Soragno (ive 1599 räi), Villa (ive 1830 räi) já Cimadera (ive 1878 räi). S. Giovanni Battista kirkko, mii mainâšui vuossâmuu tove ive 1375, huksejui uđđâsist ive 407 maŋa, já tot uđâsmittui iivij 1780–1830. S. Martino kappel (mainâšui vuossâmuu tove ive 1146, mut huksejui 600-lovo loopâst) lii ohtâ puárásumosijn oskolduvlijn rakânâsâin ubâ kuávlust. Tot vijđedui suullân ive 1100 já meiddei 1300-lovo loopâst.[3]
Cimadera kieldâ kuulâi Sonvico kieldân ive 1878 räi, mut vyesimáánu 9. peeivi 1878 tast šoodâi jiečânâs kieldâ.[4]
Kieldâlahtem
[mute | mute käldee]Sonvico kieldâ lopâttui cuáŋuimáánu 14. peeivi 2013, ko Bogno, Cadro, Carona, Certara, Cimadera, Sonvico já Valcolla kieldah lahtojii Luganon.
Aalmugjienâstem 20.11.2011
[mute | mute käldee]Bogno, Cadro, Certara, Cimadera, Lugano, Sonvico já Valcolla ässeeh tuhhiitii kieldâlahtem aalmugjienâstmist, mii uárnejui skammâmáánu 20. peeivi 2011. Kieldâlahtem tuhhiittii 76,69 % jienâsteijein. Sonvico kieldâst jienâstii 1 057 olmožid. Sist 796 ađai 75,81 % tuhhiittii kieldâlahtem.[5]
Kieldâ | Jienâsteijeeh | % | Toháliih jienah | Kale | % | Ij | % |
---|---|---|---|---|---|---|---|
Bogno | 72 | 67,92 | 70 | 62 | 88,57 | 8 | 11,43 |
Cadro | 1 170 | 82,45 | 1 163 | 660 | 56,75 | 503 | 43,25 |
Certara | 31 | 63,27 | 31 | 27 | 87,10 | 4 | 12,90 |
Cimadera | 93 | 66,91 | 93 | 79 | 84,95 | 14 | 15,05 |
Lugano | 11 821 | 39,57 | 11 550 | 9 029 | 78,17 | 2 521 | 21,83 |
Sonvico | 1 057 | 75,72 | 1 050 | 796 | 75,81 | 254 | 24,19 |
Valcolla | 375 | 70,62 | 372 | 336 | 90,32 | 36 | 9,68 |
Ohtsis | 14 619 | 43,62 | 14 329 | 10 989 | 76,69 | 3 340 | 23,31 |
Aalmugjienâstem 11.3.2012
[mute | mute käldee]Carona ässeeh pessii jienâstiđ esken ive 2012. Njuhčâmáánu 11. peeivi 2012 uárnejui nubbe aalmugjienâstem, moos uásálistii puoh kieldah. Kieldâlahtem tuhhiittii 80,19 % jienâsteijein. Sonvico kieldâst jienâstii 545 olmožid. Sist 454 ađai 87,14 % tuhhiittii kieldâlahtem.[6]
Kieldâ | Jienâsteijeeh | % | Toháliih jienah | Kale | % | Ij | % |
---|---|---|---|---|---|---|---|
Carona | 484 | 88,32 | 483 | 252 | 52,17 | 231 | 47,83 |
Bogno | 44 | 40,74 | 44 | 40 | 90,91 | 4 | 9,09 |
Cadro | 593 | 41,64 | 572 | 444 | 77,62 | 128 | 22,38 |
Certara | 17 | 34,69 | 17 | 15 | 88,24 | 2 | 11,76 |
Cimadera | 46 | 33,09 | 45 | 42 | 93,33 | 3 | 6,67 |
Lugano | 12 468 | 41,71 | 11 968 | 9 668 | 80,78 | 2 300 | 19,22 |
Sonvico | 545 | 39,01 | 521 | 454 | 87,14 | 67 | 12,86 |
Valcolla | 236 | 44,28 | 231 | 216 | 93,51 | 15 | 6,49 |
Ohtsis | 14 433 | 42,34 | 13 881 | 11 131 | 80,19 | 2 750 | 19,81 |
Eennâmtiätu
[mute | mute käldee]Sonvico lii Cassarate-nommâsii juuvâ leevi. Kieldâ kuávdáš lii 597 m merâtääsi paajaabeln.[1][2]
Viehâdâh
[mute | mute käldee]Ässeeloho
[mute | mute käldee]Käldee: Sveeici historjálâš sänikirje

Ive 1670 ässeelovvoost láá fáárust meiddei Dino, Villa Luganese, Cimadera já Fracchio ässeelovoh, já ive 1850 ässeelovvoost lii fáárust meiddei Cimadera ässeeloho.[3]
Fáádást eres soojijn
[mute | mute käldee]Wikimedia Commonsist láá koveh teikkâ eres tiätuvuárháh fáádást Sonvico.
Käldeeh
[mute | mute käldee]- ↑ a â b c Sonvico www3.ti.ch. Ufficio di statistica. Čujottum 22.12.2024. (italiakielân)
- ↑ a â Sonvico Mapcarta. Čujottum 22.12.2024. (eŋgâlâskielân)
- ↑ a â b c č Gili, Antonio: Sonvico Dizionario storico della Svizzera. Čujottum 7.12.2024. (italiakielân)
- ↑ Gili, Antonio: Cimadera Dizionario storico della Svizzera. Čujottum 22.12.2024. (italiakielân)
- ↑ Risultati votazione consultiva del 20 novembre 2011 m3.ti.ch. 20.11.2011. Čujottum 22.12.2024. (italiakielân)
- ↑ Risultati votazione consultiva dell'11 marzo 2012 m4.ti.ch. 11.3.2012. Čujottum 22.12.2024. (italiakielân)