Saoirse Ronan

Wikipedia:st
Njuškii navigistmân Njuškii ucâmân
Saoirse Ronan
Saoirse Ronan at BAFTA 2016 (1) (cropped).jpg
Persovntiäđuh
Šoddâm cuáŋuimáánu 12. peeivi 1994 (ahe 28)
Bronx, New York, New York, Ovtâstum staatah
Karrieer
Aktiivlâžžân 2003–
Merhâšittee roolah Atonement
Brooklyn
Lady Bird
Little Women
Palhâšumeh
Nissoonuáiviroolâ Golden Globe

2018 Lady Bird

Iävtukkâsvuođah
Pyeremuu nissoonuáiviroolâ Oscar

2016 Brooklyn
2018 Lady Bird
2019 Little Women
Pyeremuu nissoonuálgiroolâ Oscar
2008 Atonement

Lasetiäđuh
Nommâčáálus Saoirse Ronan Signature.svg
IMDb-sijđo IMDb

Saoirse Úna Ronan (iättoo /ˈsɜrʃə ˈuːnə ˈroʊnən/; š. 12. cuáŋuimáánu 1994 Bronx, New York, New York) lii irlandlâš-ovtâstumstaatâlâš čaittâleijee. Sun lii roolâidiskuin vuáittám maaŋgâid palhâšuumijd tego oovtâ Golden Globe. Sust láá ohtsis meid nelji Oscar-iävtukkâsvuođâ já vittâ Bafta-iävtukkâsvuođâ.[1]

Eellim[mute | mute käldee]

Saoirse Úna Ronan šoodâi Bronxist New Yorkist. Suu vanhimeh láin varrim Dublinist Ovtâstum staatáid 1980-lovvoost, já ko Ronan lâi 3-ihásâš, sij varrii maassâd Irlandân. Ronanist lii-uv sehe Ovtâstum staatâi já Irland aalmugjeessânvuotâ.[2]

Irlandist Ronan juuđij váhá ääigi Ardattin National School, mutâ mudoi suu vanhimeh máttááttáin suu pääihist. Suu nommâ Saoirse meerhâš "rijjâvuotâ".[3]

Karrieer[mute | mute käldee]

Ronan karrieer aalgij ko sun pärnin čaittâlij TV-rááiđust The Clinic iivij 2003–04. Tast maŋa sun finnij roolâ rikosrááiđust Proof ive 2005. Siämmáá ive kovvejui meid I Could Never Be Your Woman, mast Ronanist lii suu vuosmuš elleekoveroolâ. Elleekove ij kuittâg almostum ko esken kyehti ive maŋeláá.

Vuosmuu Oscar-iävtukkâsvuođâ Ronan finnij ive 2007 suu roolâst elleekooveest Atonement, mast sun čaittâl 13-ihásii Briony Tallis, kii ibbeerd puástud suu stuorrâuábi roomaans já kieleest vaahâglâš čuávumušâigijn.[4]

Tast maŋa sun lii čaittâlâm ovdâmerkkân Peter Jackson stivrim elleekooveest The Lovely Bones (2009), Wes Anderson elleekooveest The Grand Budapest Hotel (2014), John Crowley elleekooveest Brooklyn (2015) já kyevti Greta Gerwig stivrim elleekooveest: Lady Bird (2017) já Little Women (2019).[5] Sun lâi meid nommâroolâst elleekooveest Hanna (2011), mon láá uásild kuvvim Suomâst Rukast.[6]

Fáádást eres soojijn[mute | mute käldee]

Käldeeh[mute | mute käldee]

  1. Saoirse Ronan IMDb. Čujottum 13.4.2022.
  2. Saoirse Ronan Forbes. Čujottum 13.4.2022. (eŋgâlâskielân)
  3. Saoirse Ronan thegentlewoman.co.uk. Čujottum 13.4.2022. (eŋgâlâskielân)
  4. Saoirse Ronan | Biography, Movies, & Facts | Britannica www.britannica.com. Čujottum 13.4.2022. (eŋgâlâskielân)
  5. Saoirse Ronan www.goldenglobes.com. Čujottum 13.4.2022.
  6. Hollywood-trilleriä kuvataan Rukalla Yle Uutiset. 16.3.2010. Čujottum 13.4.2022.