Peter Jackson

Peter Jackson ive 2013

Peter Robert Jackson (š. roovvâdmáánu 31. peeivi 1961, Wellington, Uđđâ-Seeland) lii uđđâseelandlâš stivrejeijee, pyevtitteijee já čällee. Sun šoodâi tobdosin eromâšávt The Lord of the Rings já The Hobbit elleekuuvij stivrejeijen.

Eellim

Peter Jackson šoodâi Uđđâ-Seeland uáivikaavpugist Wellingtonist já aasâi pärnivuođâs Pukerua Bay siijdâst. Jackson rähtiškuođij uánihisfiilmâid jo 8-ihásâžžân, ko suu vaanhimeh Bill já Joan skeŋkkijn elleekovekamera sunjin. Oovtâst tain fiilmâin šoodâi suu vuosmuš kuhes elleekove Bad Taste (1987).

Filmografia

Stivrejeijen

Ihe	Nommâ
1987	Bad Taste
1989	Meet the Feebles
1992	Braindead
1994	Heavenly Creatures
1995	Forgotten Silver
1996	The Frighteners
2001	Lord of the Rings: Fellowship of the Ring
2002	Lord of the Rings: The Two Towers
2003	Lord of the Rings: Return of the King
2005	King Kong
2009	The Lovely Bones
2012	The Hobbit: An Unexpected Journey
2013	The Hobbit: The Desolation of Smaug
2014	The Hobbit: Battle of the Five Armies

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Peter Jackson.

• Peter Jackson Internet Movie Databasest (eŋgâlâskielân)