Marja Mortensson
.jpg)
Marja Helena Fjellheim Mortensson (š. njuhčâmáánu 5. peeivi 1995) lii maadâsämmilâš šuoŋârähtee, lávloo, jyeigee já musikkár. Sun nyettee jieijâs pittáid sehe maadâ- já umesämikielân. Mortensson ovtâstit muusikstis jazz, klassiklâš muusik já maadâ- já umesämmilij ärbivuáválâš juoigâm.
17-ihásâžžân sun čuojâttij piano já láávlui Taažâ kunâgâs Haraldân.[1]
Palhâšumeh
[mute | mute käldee]Ive 2014 Mortensson väljejui Riddu Riđu ive nuorâ taidârin.[2][3] Čuávuváá ive Mortensson raahtij Golbma jiena-single oovtâst ive 2012 vyeittee Katarina Barrukáin já ton ive vyeittee Elina Waage Mikalsenáin.[2] Ive 2016 sun vuoitij Sámi Music Awards -kišto ärbivuáválâš juoigâmuási.[4] Kyehti ive maŋeláá sun vuoitij Spelleman-palhâšume aalmugmuusik teikkâ ärbivuáválâš muusik -uásist albumist Mojhtestasse - Cultural Heirlooms. Ive 2018 sun vuoitij NOPA-palhâšume Mojhtesh-lavlust siämmáá albumist.[5] Pessijâšlávurduv 2021 sun vuoitij Áillohaš-muusikpalhâšume.[6]
Diskografia
[mute | mute käldee]- 2017 – Aarehgïjre
- 2018 – Mojhtestasse (oovtâst Jakop Janssønnáin já Daniel Herskedaláin)
- 2019 – Lååje (oovtâst Daniel Herskedaláin já Ruándim soloistij tävgikvarteetáin)
- 2021 – Raajroe (oovtâst Jakop Janssønnáin, Daniel Herskedaláin já Kringkastingsorkestretáin)
- 2024 – Båalmaldahkesne
Oovtâstpargoost
[mute | mute käldee]- 2015 – Russuoh vuölieb nurâldâhalbum
- 2017 – Golbma Jiena, single oovtâst Katarina Barrukáin já Elina Waage Mikalsenáin
- 2019 – Klarvær, oovtâst Moenje-juávhoin
- 2021 – Tsïegle, oovtâst Orrestimmie-juávhoin
Käldeeh
[mute | mute käldee]
- ↑ a â Joiket for kongen, NRK Hedmark og Oppland, 30.4.2012. Čujottum 14.3.2021 (tárukielân)
- ↑ a â b Riddu sessions. Riddu Riđđu. Čujottum 10.3.2021 (orjâlâškielân)
- ↑ a â Gaup, Anne Gro. – Riddu Riđđu attii munnje vejolašvuođa. Ávvir 4.2.2016. Čujottum 9.3.2021 (orjâlâškielân)
- ↑ a â Rensberg, Vaino Natasha. Her er vinnerne av Sami Music Awards. NRK Sápmi. 5.2.2016. Čujottum 14.3.2021 (tárukielân)
- ↑ a â Vee, Marthe. Marja Mortensson vinner musikkpris. NTB Kommunikasjon. 5.11.2019. Čujottum 14.3.2021 (tárukielân)
- ↑ a â Utsi, Johan Ante. Marja Mortensson fikk årets Áillohaš-pris. NRK Sápmi. 3.4.2021. Čujottum 4.4.2021 (tárukielân)