Kuácceelodde
| Kuácceelodde Pinicola enucleator (Linnaeus, 1758) |
|
|---|---|
.jpg) |
|
| Tile | LC (eellimvuáimálâš)[1] |
| Tile Suomâst | LC (eellimvuáimálâš)[2][3] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Varbuslodeh Passeriformes |
| Hiäimu | Piäippáineh Fringillidae |
| Suuhâ | Pinicola |
| Šlaajâ | enucleator |
Kuácceelodde (Pinicola enucleator) lii varbusluudij laahkon kullee loddešlaajâ.
Stuárudâh já tobdomeerhah[mute | mute käldee]
19–22 cm kukkosâžžân kuácceelodde lii Suomâ stuárráámus piäippáinij hiäimun kullee lodde. Tot lii uccâ rástágáá matsâš já tiäddá 38–67 g. Ores lii ruopsâd já niŋálâs oransisfiskâd. Čapis suájást láá kyehti vielgis sárgá. Poođâš lii kukke já njune sehe jyelgih láá tevkisruškâdeh.[4]
Lavdâm já eellimpiirâs[mute | mute käldee]
Kuácceelodde iälá boreaallii kuácceevyevdistielâsist Euroopist, Aasiast já Tave-Amerikist. Suomâst tot lii iänáážin eennâm taveoosij lodde.[5] Suomâst pessejeh áárvu mield 5 000–20 000 paarrâd. Kuácceelodde värree meddâl pessimkuávluin roovvâd-skammâmáánust já máccá njuhčâ-cuáŋuimáánust.[4]
Lasanem[mute | mute käldee]
Kuácceelodde mannee vyesi-kesimáánust 4–5 mane. Niŋálâs láálá moonijd 13–14 peivid. Uđâgááh vyelgih piervâlist 13–14 peeivi ahasâžžân.[4]
Raavâd[mute | mute käldee]
Kuácceelodde porá siemânijd, kuosâ uurbijd já tälviv pihlejáámuorjij siemânijd.[4]
Käldeeh[mute | mute käldee]
- ↑ IUCN Red List Čujottum 11.10.2021 (eŋgâlâskielân)
- ↑ Valkama, Jari: Kuácceelodde – Pinicola enucleator Suomen Lajitietokeskus. 2019. Čujottum 30.3.2022. (suomâkielân)
- ↑ BirdLife Suomi Čujottum 11.10.2021 (eŋgâlâskielân)
- ↑ 4,0 4,1 4,2 4,3 Luontoportti.fi Čujottum 11.10.2021 (suomâkielân)
- ↑ Suomen lintuatlas Čujottum 11.10.2021 (suomâkielân)