Njuškii siskáldâsân

Kesiparalympialiih 2024

Wikipedia:st
Ive 2024 kesiparalympialij logo Pariisi Ávukeevli alne
Ive 2024 kesiparalympialij tuosâsviestâ Châlons-en-Champagnest, Ranskaast

Ive 2024 kesiparalympialiih (ranskakielân Jeux paralympiques d'été de 2024 ađai virgálávt XVIIes Jeux paralympiques d’été) lâi 17. kerdi ko kesiparalympialiih uárnejuvvojii já nubbe kerdi ko toh uárnejuvvojii Ranskaast.[1][2] Fáárust ij lamaš ohtâgin uđđâ paralympiašlaajâ.[2]

Lekkâmseremonia tollui koskoho porgemáánu 28. peeivi tijme 20.30 Place de la Concordest.[3] Lopâttemseremonia tollui Stade de Francest pasepeeivi čohčâmáánu 8. peeivi tijme 20.[3] Pariisin ive 2024 paralympialiih lijjii vuosmuuh, maid kaavpug lii ornim.[3]

Paralympialalijd puovtij čuávvuđ Suomâst Yle TV kyehti -kanavast já Yle Areenast.[4]

Kištosajeh

[mute | mute käldee]

Kištoi válduareenan tooimâi Pariisi kaavpugkuávlu já ton aldakuávluh, eereeb iärrás Stade de France (almosvalastâllâm), Pont Alexandre III (triathlon) já Invalides (tävgipääččim). Kištosajeh kávnojii meid Versailles paalaac kuávlust já SeinejuuvâEiffeltoornâ aldasijn. Pääččimkištoh uárnejuvvojii Chateauroux kaavpugist, mii lii suullân 250 kilomeetterid máádás Pariisist.[3]

Šlaajah

[mute | mute käldee]
Australialâš rullástovlirugbyspellee Ryley Batt porgemáánu 29. peeivi 2024 Ovtâstum kunâgâskode vuástá

Paralympialijn paijeel 4 000 valastâlled čokkânii kištottâllâđ ohtsis 549 miitaalkištoost. Fáárust lijjii 22 šlaaijâd, ko fáárun rekinistojeh sehe ovtâskâs kištottâllei šlaajah já juávkkušlaajah.[2] Ohjelmist lijjii čuávuvááh šlaajah:[5]

Äigitavlu

[mute | mute käldee]
LE Lekkâmseremonia Šlaajâ kišto 1 Šlaajâ loppâkišto LO Lopâttemseremonia
Porge-čohčâmáánu 2024 Porgemáánu Čohčâmáánu Šlaajâ / tábáhtus
28.
ko
29.
tu
30.
31.
1.
pa
2.
vu
3.
ma
4.
ko
5.
tu
6.
7.
8.
pa
Seremoniah LE LO
liŋkkâ= Boccia-kuuláspellâ 2 6 3 11
liŋkkâ= Čalmevádulij jyelgipállu 1 1
liŋkkâ= Čokkámtuáškumpállu 1 1 2
liŋkkâ= Moolâpállu 2 2
liŋkkâ= Para-almosvalastâllâm 14 18 19 13 24 15 19 16 22 4 164
liŋkkâ= Parajudo 5 5 6 16
liŋkkâ= Paramiällum 5 5 10
liŋkkâ= Parapääččim 3 2 2 1 2 2 1 13
liŋkkâ= Parapevditennis 2 5 3 1 3 5 5 7 31
Parapyeráinvyeijim liŋkkâ= Paramaađijpyeráinvyeijim 19 6 4 5 34
liŋkkâ= Pararađepyeráinvyeijim 4 5 4 4 17
liŋkkâ= Pararaccastem 3 2 1 5 11
liŋkkâ= Parasuuhâm 5 5
liŋkkâ= Parataekwondo 3 4 3 10
liŋkkâ= Paratävgipääččim 2 2 2 1 1 1 9
liŋkkâ= Paratolgepállu 2 14 16
liŋkkâ= Paratriathlon 7 4 11
liŋkkâ= Paravuoijâm 15 14 15 14 13 15 12 13 15 15 141
liŋkkâ= Paravyeimiluptim 4 4 4 4 4 20
liŋkkâ= Rullástovlikoripállu 1 1 2
liŋkkâ= Rullástovlimiähástâllâm 4 4 2 4 2 16
liŋkkâ= Rullástovlirugby 1 1
liŋkkâ= Rullástovlitennis 1 2 2 1 6
Loppâkištoh ohtsis 0 22 42 49 60 54 50 63 63 57 75 14 549
Porge-čohčâmáánu 2024 Porgemáánu Čohčâmáánu Šlaajâ / tábáhtus
28.
ko
29.
tu
30.
31.
1.
pa
2.
vu
3.
ma
4.
ko
5.
tu
6.
7.
8.
pa


Suomâ ovdâsteijeeh

[mute | mute käldee]

Suomâ vuolgâttii paralympialáid 16 valastâlled. Suomâ ovdâsteijeeh kištottâllii almosvalastâlmist, raccastmist, tävgipäčimist, pyeráinvyejimist, pevditennisistpääččimvalastâlmist.[4]

Mitaleh

[mute | mute käldee]

Ruttâpáájá Monnaie de Paris valmâštij Pariisi olympialij já paralympialij várás 5 084 mitalid. Jyehi olympiamiitaal 2024 siskeeld Eiffel-toornâst nurrum skuottâmeetaal. Kollemitalijn lii ucemustáá kuttâ graamâ 24 kaaraat kollepiddedâs, loppâ lii silbâ. Silbâmitaleh láá rahtum siilbâst.[6]

Ive 2025 aalgâ räi jo paijeel čyeti valastâlled, kiäh ožžuu ive 2024 Pariisi olympialijn tâi paralympialijn pronssimiitaal, lijjii macâttâm mitalis. Suijân toos lii tot, ete veeškist, siiŋkisttaaneest rahtum pronssimitaleh lijjii ruástuškuáttám. Vuossâmuuh valastâlleeh vaidâlii miitaalstis jo olympiakištoi ääigi.[6]

Monnaie de Paris molsoi puoh vahadum mitalijd uđđâ mitaláid valastâllee táttumist.[6]

Keejâ meid

[mute | mute käldee]

Fáádást eres soojijn

[mute | mute käldee]

Käldeeh

[mute | mute käldee]

  1. Paris 2024 Paralympic Games Aalmugijkoskâsâš paralympiakomitea. Čujottum 25.8.2024. (eŋgâlâskielân)
  2. a â b All you need to know about the Paris Paralympics BBC Sport. 16.5.2024. Čujottum 29.8.2024. (eŋgâlâskielân)
  3. a â b c Olthuis, Marja-Liisa: Paralympialiih láá älgimin Pariisist Anarâš aavis. 27.8.2024. Čujottum 27.8.2024.
  4. a â Pariisin paralympialaiset 2024 www.paralympia.fi. 28.8.2024. Čujottum 26.8.2024. (suomâkielân)
  5. Paralympialajit Suomâ paralympiakomitea. Čujottum 26.8.2024. (suomâkielân)
  6. a â b Schreck, Jasmina: Paijeel čyeti valastâlled láá macâttâm Pariisi olympiapronssimitalis Anarâš aavis. 3.2.2025. Čujottum 3.2.2025.