Káránâsmyerji
Káránâsmyerji (Arctous alpina ađai Arctostaphylos alpina) lii myerji. Lodde puáhtá millođ káránâsmyerjisiemânijgijn suáhiuurbijd fijnesin máirástis. Riävská já kiärun lává juo áigáá huámášâm taan myerji äävhi.[1]
Tobdomeerhah[mute | mute käldee]
Káránâsmyerji lieđi lii vielgâd, loostah pisoh veerdist täälvi paijeel já kuocâgeh eskin maŋŋeed kiđđuv. Muorjijd puáhtá čuággiđ meiddei kiđđâpievlâin já myerji čááppud taađeest ko láddá. Puásuitotkeeh láá huámášâm, et káránâsmyerji lii majemui aaigij loskâm laajišvuovdijn tast maŋa ko lostâmáátu puurâi vuovdijd päljisin. Čuovâ lasanem adelij máhđulâšvuođâ káránâsmuárján levâniđ.[1]
Kevttim[mute | mute käldee]
Mirja Suojakorpi-Valle raahtij vorâs káránâsmyerji – vuorâččâsmyerjisääpi návt, myerjisiävutteijee iššeen: vááijuv litterpeeli myerjih, toos čáárvui sitruunlahheest määihli já lasettij oovtâ desilitter sukkâr. Čääsi piejâi tommittáá et litte tievâi, jeđe siävuttij. Myerjikoorâid já siemânijd sun sillij meddâl já säppi lâi vaalmâš.[1]
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Káránâsmyerji.
Käldeeh[mute | mute käldee]
- ↑ 1,0 1,1 1,2 Aikio, Jouni: Káránâsmyerji. Anarâš-kalender 2004, 2004. Anarâškielâ servi ry.