Ive 2015 sämitiggevaaljah (Suomâ)
Ive 2015 Suomâ sämitiggevaaljah uárnejuvvojii čohčâmáánu 7. – roovvâdmáánu 4. peeivij 2015. Vaaljâin väljejuvvojii ohtsis 21 jesânid já kulmâ värijeessân sämitige 2016–2019 vaaljâpajan. Taat lâi 5. kerdi, ko sämitiggevaaljah uárnejuvvojii Suomâst.
Iänuduv, Aanaar já Ucjuv kieldâin väljejuvvojii jyehi kieldâst kulmâ jeessân já ohtâ värijeessân. Suáđigilist láin tuše kyehti iävtukkâs, já tondiet kieldâ kuálmád jesânin väljejui aanaarlâš Magreta Sara. Siämmáá suujâ tiet Suáđigilist ij väljejum värijeessân.[1] Sii lasseen oovce jesânid väljejuvvojii jienâmere mield. Vaaljâin lijjii ohtsis 38 iävtukkâssâd já 5 795 jienâvuoigâdvuođâlâžžâd.[2][3] Sist 483 lijjii uđđâ jienâsteijeeh, kiäid Sämitige vaaljâlävdikodde lâi tuhhiittâm, já sist 295 lijjii ovdebái vaaljâi vaaljâluvâttâlmân merkkejum vaanhimij párnááh, kiäh lijjii tiävdám 18 ihheed.[3]
Vaaljâin jienâstii ohtsis 3 035 jienâvuoigâdvuođâlâžžâd. Jienâstemprooseent lâi 51,6 %. Ovdebáin vaaljâin tot lâi tuše 49,6 %. Vaaljâin enâmustáá jienâid ađai 205 jiennâd finnij aanaarlâš Anu Avaskari.[1]
Sämitiigán väljejum ulmuuh já jienâlovoh[mute | mute käldee]
Iänudâh[mute | mute käldee]
- Tuomas Aslak Juuso, 114
- Ulla-Maarit Magga, 113
- Pigga Keskitalo, 77
Värijeessân:
Aanaar[mute | mute käldee]
- Anu Avaskari, 205
- Tiina Sanila-Aikio, 190
- Kari Kyrö, 189
Värijeessân:
- Pekka Pekkala, 67
Suáđigil[mute | mute käldee]
- Jouko Hetta, 72
- Petra Magga-Vars,64
- Magreta Sara, 144
Ucjuuhâ[mute | mute käldee]
- Anne Nuorgam, 138
- Nilla Samuli Tapiola, 94
- Aslak Holmberg, 83
Värijeessân:
- Asko Länsman, 79
Jienâmere mield väljejum ulmuuh[mute | mute käldee]
- Pentti Pieski, 128
- Tanja Sanila, 119
- Veikko Feodoroff, 116
- Heikki Paltto, 110
- Janne Saijets, 95
- Kirsti Kustula, 91
- Neeta Jääskö, 89
- Jouni Aikio, 88
- Antti Sujala, 81
Käldeeh[mute | mute käldee]
- ↑ 1,0 1,1 Alajärvi, Martta: Taa lii Sämitigge 2016–2019 Yle Säämi. 6.10.2015. Čujottum 25.9.2023.
- ↑ Saamelaiskäräjien vaaleissa eniten ehdokkaita 20 vuotta sitten 12.8.2015. Yle Uutiset. Čujottum 8.9.2015.
- ↑ 3,0 3,1 Aikio, Áile: Čavčča sámedikki válggain 483 ođđa jienasteaddji Yle Säämi. 3.3.2015. Čujottum 25.9.2023. (tavesämikielân)
