Hurečuhčá

Wikipedia:st
Siirry navigaatioon Siirry hakuun
Hurečuhčá
Lyrurus tetrix
(Linnaeus, 1758)
Black Grouse - Finland 050068 (15357063249) A.jpg
Tile LC (eellimvuáimálâš)
Tile Suomâst LC (eellimvuáimálâš)
Tieđâlâš luokittâllâm
Doomeen Sellâvááimusliih Eucarya
Kodde Elleekodde Animalia
Uáiviráiđu Savosuonâsiih Chordata
Vyeliráiđu Čielgitávtáliih Vertebrata
Luokka Lodeh Aves
Lahko Känilodeh Galliformes
Čerdâ Puigâkäänih Phasanidae
Vyeličerdâ Meccikäänih Tetraonidae
Suuhâ Hurečuuvčáh Lyrurus
Šlaajâ tetrix

Hurečuhčá lii puigâkaanij čeerdân kullee meccikänilodde.

Stuárudâh já tobdomeerhah[Mute | Mute käldee]

Hurečuhčá lii 40–58 cm kukke já tiäddá 0,9–1,3 kg. Tevkis, čuovjisčapis ores lii stuárráb ko niŋálâs já ton čalme paajaabeln lii ruopsis liškepuáimu. Pottâš vyelitolgeh láá vielgâdeh. Orásist já niŋálâsâst lii kuohtuin vielgis säärgis sujást. Niŋálâs lii ruškiskirjáá já sulâstit ennuv kuáppil. Tot lii kuittâg ucceeb ko kuáppil já ton poođâš lii eresmuáđusâš.[1]

Lavdâm já eellimpiirâs[Mute | Mute käldee]

Hurečuhčá iälá masa ubâ Suomâst, mut Säämist tot lii härvinub. Tot lii vuovdij já jeegij lodde, ige tot ele ordârääji paajaabeln.[2] Hurečuhčá lii päikkilodde, mut nuorâ lodeh vajâldeh čohčuv já kiđđuv. Suomâ hurečuhčánääli lii suulân 350 000–500 000 paarrâd.[1]

Lasanem[Mute | Mute käldee]

Kiđđuv oráseh čokkâneh kiihâmsoojijd jeggijd, piäldoid já ládui oolâ já skiälguh kiihâmlavlus. Niŋálâs väljee kyeimis orásij juávhust. Niŋálâs mannee vyesimáánust táválávt 8–10 manneed já láálá taid 23–29 peivid. Piervâl lii muorâ teikkâ miestuu vyelni. Uđâgááh kirdeškyetih 7–14 peeivi ahasâžžân.[1]

Raavâd[Mute | Mute käldee]

Hurečuhčá porá umolijd, versoid já siemânijd, čohčuv meid muorjijd já tälviv eromâšávt suávi uurbijd já peesi paaccâhijd.[1]

Miäcástem[Mute | Mute käldee]

Hurečuuvčá miäcástem lii loválâš ubâ Suomâst čohčuv.[3]

Käldeeh[Mute | Mute käldee]

  1. 1,0 1,1 1,2 1,3 Luontoportti.fi Čujottum 15.4.2021 (suomâkielân)
  2. Suomen lintuatlas Čujottum 15.4.2021 (suomâkielân)
  3. Suomen riistakeskus Čujottum 15.4.2021 (suomâkielân)