Gustaf Nyström
.jpg)
Kuvvim: Signe Brander
Carl Gustaf Nyström (21. uđđâivemáánu 1856 Helsig, Suomâ stuorrâfurstâkodde – 30. juovlâmáánu 1917 Helsig, Suomâ) lâi syemmilâš arkkiteht, rehtor já arkkitehtuur professor.[1]
Eellim
[mute | mute käldee]Carl Gustaf Nyström šoodâi uđđâivemáánu 21. peeivi 1856 Helsigist, Suomâ stuorrâfurstâkoddeest. Suu eeči lâi pooliskonstaabel Gustaf Nyström já suu enni lâi Fredrika Grönroos.[1] Gustafist lâi ohtâ viljâ Alexander Rogatus Nyström, kii lâi meid arkkiteht.[2][3]
Ive 1881 sun naajâi Augusta Maria Lovisa Melanáin (1858–1940).[3] Sunnui šoddii vittâ párnáá: Carl Gustaf August (1882–1930), Arvid (1883–1892), Ingrid Hildur Augusta (maŋeláá Sahlberg; 1886–1977), Carin (1888–1979) já Per Gabriel Gustaf (1896–1966).[4][5][6][7]
Škovlim já karrieer
[mute | mute käldee]Nyström luuvâi arkkitehtuur el. professor Frans Sjöströmáin Suomâ polyteknisâš škoovlâst, kost sun valmâštui arkkitehtin ive 1876. Sun lâi ohtâ vuossâmuin oppâlájádâs škovlim arkkitehtijn. Tälviv 1878–1879 sun lâi fabrikstiivrâ stipendiaatin Wienist, kost sun luuvâi arkkitehtuur professor Heinrich von Fersteláin.[1] Nyström hárjuttâlâi Sjöström arkkitehttoimâttuvvâst. Sjöström jaamij ive 1885, mon maŋa Nyströmist šoodâi polyteknisâš škoovlâ máttáátteijee. Sun máttááttij vistig rakânâshuksim já ive 1885 rääjist sun tooimâi huksimtaiđuu adai arkkitehtuur puárásub máttáátteijen. Ive 1896 Nyströmist šoodâi professor. Taat virge lâi Suomâ vuossâmuš arkkitehtuur professuur. Ive 1908 polyteknisâš škoovlâst šoodâi Teknisâš ollâškovlâ, já Nyströmist šoodâi oppâlájádâs rehtor.[1]
Kovegalleria
[mute | mute käldee]-
-
Suomâ Paaŋki konttur Viiburist -
-
-
-
-
Töölö sajattâhkaava -
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Gustaf Nyström.
Käldeeh
[mute | mute käldee]- ↑ 1,0 1,1 1,2 1,3 Helander, Vilhelm. Nyström, Gustaf (1856–1917). Kansallisbiografia. 3.4.2006. Čujottum 3.10.2021 (suomâkielân)
- ↑ Alexander Rogatus Nyström Find a Grave. Čujottum 8.6.2023. (eŋgâlâskielân)
- ↑ 3,0 3,1 Professor Carl Gustaf Nyström Geni.com. Čujottum 2023-06-208. (eŋgâlâskielân)
- ↑ Carl Gustaf Nyström Geneanet. Čujottum 8.6.2023. (eŋgâlâskielân)
- ↑ Ingrid Hildur Augusta Sahlberg (Nyström) Geni.com. Čujottum 8.6.2023. (eŋgâlâskielân)
- ↑ Carin Nyström BillionGraves. Čujottum 8.6.2023. (eŋgâlâskielân)
- ↑ Per Gabriel Gustaf Nyström Geni.com. Čujottum 8.6.2023. (eŋgâlâskielân)
