Ernst Lindelöf
| Ernst Lindelöf | ||
|---|---|---|
| ||
| Persovntiäđuh | ||
| Šoddâm | njuhčâmáánu 7. peeivi 1870 Helsig, Suomâ | |
| Jáámmám | kesimáánu 4. peeivi 1946 (76-ihásâžžân) Helsig, Suomâ | |
| Aalmugjeessânvuotâ | syemmilâš | |
| Škovliittâs já karrieer | ||
| Náguspargo stivrejeijee(h) | Hjalmar Mellin | |
| Instituut | Helsig ollâopâttâh | |
| Uáppee(h) | Lars Ahlfors Frithiof Nevanlinna Rolf Nevanlinna Kalle Väisälä Vilho Väisälä | |
| Tutkâmušsyergi | matematiik | |
Ernst Leonard Lindelöf (7. njuhčâmáánu 1870 Helsig, Suomâ – 4. kesimáánu 1946 Helsig, Suomâ) lâi syemmilâš matematikkár já Helsig ollâopâttuv matematiik professor iivij 1903–1938.[1]
Eellim[mute | mute käldee]
Ernst Leonard Lindelöf šoodâi njuhčâmáánu 7. peeivi 1870 Helsigist, Suomâst. Suu eeči lâi matematikkár Lorenz Lindelöf, kii vuáđudij Suomâ matemaatlii seervi, já suu enni lâi Gabriela Krogius.[1] Ernst Leonard lasseen perrust lâi čiččâm pärnid: Uno, Anna Maria, Carl Arvid, Ester Elisabeth, Tyra Gabriela, Emil Alfons já Ella Amalia. Lindelöf uábbi Anna Maria naajâi Frans Ali Krogiusáin, kii lâi syemmilâš kiiruurg. Emil Alfons jaamij ive 1887 2-ihásâžžân.[2]
Pargo[mute | mute käldee]
Lindelöf lâi funktioteoria já differentiaalovtâlduvâi totkee. Sun valmâštui tuáhtárin Helsig ollâopâttuvâst ive 1893 23-ihásâžžân.[1] Suu náguskirje nommâ lâi Sur les systèmes complets et le calcul des invariants différentiels des groupes continus finis. Suu oppâkirjeh (Johdatus korkeampaan analyysiin 1912, Johdatus funktioteoriaan 1917 já Differentiali- ja integraalilasku ja sen sovellukset 1918–1946) láá kiävtust vala onnáá peeivi.[1]
Suomâ matemaatlâš servi juáhá jyehi ive Ernst Lindelöf -palhâšume.
Tyejeh[mute | mute käldee]
- Lindelöf, Ernst: Matemaattinen tutkimus Suomessa (PDF) Valvoja-aika, 1929, s. 153–165. (suomâkielân)
Fáádást eres soojijn[mute | mute käldee]
- Biografia The MacTutor History of Mathematics archive (eŋgâlâskielân)
- Matematiikkaa Suomessa (suomâkielân)
- Mathematics Genealogy Project: Ernst Leonard Lindelöf (eŋgâlâskielân)
Käldeeh[mute | mute käldee]
- ↑ 1,0 1,1 1,2 1,3 Ernst Lindelöf Biografiasampo. Čujottum 21.1.2022. (suomâkielân)
- ↑ Lorenz Lindelöf Biografiasampo. Čujottum 22.1.2022. (suomâkielân)
