Brian Eno
| Brian Eno | |
|---|---|
.jpg)
| |
| Persovntiäđuh | |
| Šoddâm | vyesimáánu 15. peeivi 1948 |
| Šoddâmsaje | Woodbridge, Suffolk, Eŋland |
| Aalmugjeessânvuotâ | eŋlandlâš |
| Musikkár | |
| Artistnommâ | Eno |
| Lávlumkielah | eŋgâlâskielâ |
| Aktiivlâžžân | 1970– |
| Genreh | ambient elektronisâš muusik rock keččâlâddâmvuálásâš muusik |
| Čuojânâsah | kuoskâttâsčuojânâsah, syntetisaattor |
|
| |
Brian Eno (š. vyesimáánu 15. peeivi 1948, Woodbridge, Suffolk, Ovtâstum kunâgâskodde) lii eŋlandlâš musikkár. Suu aneh ohtân merhâšitteemuin elektronisâš muusik (eromâšávt elektronisâš rockmuusik) sehe ambient ovdedeijein.
Eno algâttij muusikkarrieeris glam rock -juávkku Roxy Musicist, mon sun vuáđudij oovtâst lávloo Bryan Ferryin ive 1970. Eno vuolgij juávust ive 1973 juávhu nube album For Your Pleasure turnee maŋa suu já Ferry koskâsâš taaiđâlâš sierâmielâlâšvuođâi tiet. Eno algâttij soolokarrieer já almostitij 1970-lovo ääigi nelji elektronisâš rockmuusik merhâšittee album Here Come the Warm Jets, Taking Tiger Mountain (by Strategy), Another Green World já Before and After Science. Ive 1978 sun almostitij album Music for Airports, mon lookán teddilum sääni "ambient" adelij noomâ muusik šlajâtiijpân. Albumist aalgij ambient-ráiđu, mon eres albumeh láá The Plateaux of Mirror, Day of Radiance já On Land.
Ton lasseen Eno lii pyevtittâm eres musikkárij muusik sehe porgâm oovtâstpargoost siigijn. 1970-lovvoost sun raahtij King Crimson -juávhu kitaristin tubdum Robert Frippáin kyehti album: (No Pussyfooting) (1973) já Evening Star (1975). Suu eres 1970-lovo oovtâstpargoalbumeh láá Cluster & Eno (1977) saksalâš krautrock -juávkku Clusteráin sehe After the Heat (1978) Dieter Mobeliusáin já Hans-Joachim Rodeliusáin, kiäh kuuláin Cluster-juávkun. 1970-lovo loopâst sun lâi meid iššeedmin David Bowie "Berlin-trilogian" kočodum albumijn Low (1977), ”Heroes” (1977) já Lodger (1979) sehe 1990-lovvoost albumist Outside (1995).
Eno pyevtittij kulmâ Talking Heads -juávhu album: More Songs About Buildings and Food (1978), Fear of Music (1979) já Remain in Light (1980). Ive 1981 sun raahtij Talking Heads lávloo David Byrnein album My Life in the Bush of Ghosts.
Diskografia
[mute | mute käldee]- 1973 – (No Pussyfooting) (oovtâst Robert Frippáin)
- 1973 – Portsmouth Sinfonia Plays the Popular Classics (oovtâst Portsmouth Sinfoniain)
- 1974 – Here Come the Warm Jets
- 1974 – Taking Tiger Mountain (By Strategy)
- 1975 – Evening Star (oovtâst Robert Frippáin)
- 1975 – Another Green World
- 1975 – Discreet Music
- 1977 – Cluster & Eno (oovtâst Clusteráin)
- 1978 – Before and After Science
- 1978 – Ambient 1: Music for Airports
- 1978 – Music for Films
- 1978 – After the Heat (oovtâst Roedeliusáin já Dieter Moebiusáin)
- 1980 – Ambient 2: The Plateaux of Mirror (oovtâst Harold Buddáin)
- 1980 – Fourth World, Vol. 1: Possible Musics (oovtâst Jon Hasselláin)
- 1980 – Ambient 3: Day of Radiance (Laraaji, Eno pyevtitmist)
- 1981 – My Life in the Bush of Ghosts (oovtâst David Byrnein)
- 1982 – Ambient 4: On Land
- 1983 – Apollo: Atmospheres and Soundtracks
- 1984 – The Pearl (oovtâst Harold Buddáin)
- 1985 – Thursday Afternoon (soundtrack taaiđâgalleriavideon)
- 1985 – Hybrid (oovtâst Daniel Lanoisáin já Michael Brookáin)
- 1989 – Textures
- 1990 – The Shutov Assembly
- 1990 – Wrong Way Up (oovtâst John Calein)
- 1992 – Nerve Net
- 1993 – Neroli
- 1995 – Spinner (oovtâst Jah Wobblenáin)
- 1995 – Original Soundtracks No. 1 (oovtâst U2áin)
- 1997 – The Drop
- 2001 – Drawn From Life (oovtâst Peter Schwalmáin)
- 2002 – Lightness
- 2002 – I Dormienti
- 2002 – Kite Stories
- 2003 – Music for Civic Recovery Centre
- 2003 – Compact Forest Proposal
- 2003 – Bell Studies for The Clock of The Long Now
- 2004 – Curiosities Volume 1
- 2004 – The Equatorial Stars (oovtâst Robert Frippáin)
- 2005 – Another Day on Earth
- 2010 – Small Craft on a Milk Sea
- 2011 – Drums Between the bells
- 2012 – Lux
- 2016 – The Ship
- 2017 – Reflection
- 2020 – Mixing Colours (oovtâst Roger Enoin)
- 2022 – ForeverAndEverNoMore
- 2023 – Secret Life (oovtâst Fred Againáin)
- 2025 – Lateral (oovtâst Beatie Wolfein)
- 2025 – Luminal (oovtâst Beatie Wolfein)
- 2025 – Liminal (oovtâst Beatie Wolfein)
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Brian Eno.
