Anni Sarre
Anni Sarre teikkâ Post-Maati Ánná (19. kuovâmáánu 1936 – 1. roovvâdmáánu 2021) lâi anarâš kirječällee, tivtâsteijee já máálájeijee. Sarre lâi vuálgus Väävli siijdâst, mii lii Aanaarjäävri riddoost suulân 40 km keččin Aanaar markkânist. Suu peerâ lâi anarâš, já anarâškielâ lâi suu eenikielâ. Sarrest ij lamaš čällee akateemisâš škovlim. Sun lâi taggaar čällee, kii čáálá puđâldâssân já kiän motivaation lii eromâšávt ilo čäälliđ jieijâs feeriimijn já huámmášuumijn. Sarre ij lamaš tuše čällee pic poorgâi meiddei eres taaiđâsuorgijn – tegu maaŋgah eres-uv algâaalmugčälleeh. Sun lâi ovdâmerkkân kovečeppi, já máálái elimis ääigi paijeel 100 tavlud. Ive 2017 sun uážui Ive aanaarlâštaho (Vuoden inarilaisteko) -palhâšume.[1][2][3] Tot mieđettui sunjin, ko sun lâi kuhesáigásâš kulttuurvaikutteijee.[1]
Pargoh
[mute | mute käldee]Kirjeh
[mute | mute käldee]Käldeeh
[mute | mute käldee]- ↑ a â Huovinen, Heli & Morottaja, Mikkâl: Ive aanaarlâš Post-Maati Ánná lii maaŋgâpiälásâš taaiđâr Yle Säämi. 5.1.2018. Čujottum 11.10.2025.
- ↑ Aikio, Jouni & Rasmus, Linnea: Sáhkabihtážat Yle Sámis: Anni Sarre oaččui Inarilaisteko-bálkkašumi, "Anárjávri álbmotmeahccin" -adreassa lea álggahuvvon ja sámegielat sosiálasuorggi materiálabáŋku lea almmustahtton Yle Säämi. 7.12.2017. Čujottum 11.10.2025. (orjâlâškielân)
- ↑ Inarilaisteko -palkintojen saajat (PDF) Aanaar kieldâ. Čujottum 5.10.2025. (suomâkielân)
- ↑ Spejâlistem = Heijastus Lapin kirjaston Finna. Čujottum 5.10.2025.
- ↑ Kaarret, Anja & Niskanen, Elias: Anni Sarre čäällim tihtâkirje almostui Yle Säämi. 26.1.2015. Čujottum 5.10.2025.