Aanaar kieldâkirjerááju
Aanaar kieldâkirjerááju lii ive 1859 vuáđudum kirjerááju Aanaar kieldâst. Puohah uážžuh kevttiđ kirjerááju palvâlusâid.
Kirjerááju historjá
[mute | mute käldee]Aanaar vuossâmuu kirjerááju vuáđudij kappalâš E. W. Borg Piälppáájäävri pappâlân njuhčâmáánu 13. peeivi 1859.[1][2] Onnáá peeivi kiirjij luoihâttem lii nuuvtá, mut talle tast ferttij mäksiđ.[2] Ive 1892 kirjerááju sirdâšui kieldâ hoittámnáál já ive 1912 pappâl meddâl pyellim keežild.[2]
Toimâsajeh já palvâlusah
[mute | mute käldee]Kirjeráájust láá fastâ toimâsajeh sehe Avelist já Aanaar markkânist Sajosist. Avveel kirjerááju lii kieldâ váldukirjerááju já Aanaar markkân kirjerááju lii sämikirjerááju.
Tai lasseen lii kirjerájuauto, mast fállojeh uási kirjerááju palvâlusâin pirrâ kieldâ. Kiirjij luoihâttem lasseen kirjerájuautost lii meid Avveel apteek palvâlusčyegis, mast puáhtá uástiđ jieštipšomvalmâstuvâid já moos puáhtá tiiláđ el. reeseepttalkkâsijd.[3] Vaaljâi ääigi kirjerájuautost adai Jottee jienâstemautost puáhtá meid jienâstiđ.
Käldeeh
[mute | mute käldee]- ↑ Tarinoiden Inari -verkkoarkisto. Aanaar kieldâ. Čujottum 28.9.2021 (suomâkielân)
- ↑ 2,0 2,1 2,2 Kiviniemi, Eija. Poimintoja Inarin kirjastolaitoksen taipaleelta. 13.3.1999. Čujottum 28.9.2021 (suomâkielân)
- ↑ Inarin kunnan kirjastoauto. Ivalon apteekki. Čujottum 28.9.2021 (suomâkielân)