Aanaar (raavâdviäsu)

Aanaar lii Kollehovi-hooteel ohtâvuođâst tuáimee raavâdviäsu. Tot lii Aanaar markkânist Juvduujuuvâ riddoost. Raavâdviäsu fáálá puigâ anarâš purrâmâš. Fáállun láá purrâmâšah Aanaar kuávlust, ovdâmerkkân kyeleh Aanaarjäävrist, poccuupiärgu aldakuávlui palgâsijn, vuástá, kuobbâreh, myerjih já puurrâmšadoh.

Palhâšumeh

Raavvâdviäsu lii vuáittám maaŋgâid palhâšuumijd:

• Ive 2014 kievkkânmiäštár Heikki Nikula uásálistij tave-eennâmlii "Sápmi Awards – Sämmilâš gastronomia já purrâmâštiätu" -kiišton já sajadui finalist nubben.

• Ive 2015 Aanaar uásálistij aalmuglii purrâmâšmađhâšemkiišton, mast tot sajadui nube sajan Aanaar Menuin.

• Ive 2016 siämmáš Aanaar Menu vuoitij almugijkoskâsii Foodtrekking Awards -kišto Best Foodservice Experience -rááiđust.

• Ive 2017 Aanaar peesâi meid Nordic White Guide -purrâmâšraavâkiirján, mii oovdânpuáhtá Tave-enâmij pyeremuid raavâdviäsuid. Raavâkirje peividuvvoo jyehi ive.

• Ive 2018 raavâdviäsu finnij positiivlii árvuštâllâm, mon paječaalâ lâi "Immâšeh Anarist", Kauppalehden Optio -loostâst. Aanaar lii tastmaŋa pisottâllâm Top 10 -juávhust Optio-loostâ árvuštâlmijn.

• Ive 2020 Suomen Gastronomien seura valjij Aanaar "Ive raavâdviässun 2020" ubâ Suomâst.