Šuoššjäävri tuodârkirkko
| Šuoššjäävri tuodârkirkko | |
|---|---|
 Šuoššjäävri tuodârkirkko kesimáánu 27. peeivi 2016 |
|
  Šuoššjäävri tuodârkirkko |
|
|
Koordinaateh: |
|
| Staatâ |
 Taažâ |
| Lääni | Tromssa já Finnmark |
| Kieldâ | Kárášjuuhâ |
| Kirkkokodde | Taažâ kirkko |
| Pispekodde | Tave-Hålogaland pispekodde |
| Ruávástkodde | Sis-Finnmark ruávástkodde |
| Servikodde | Kárášjuv servikodde |
| Huksejum | 1968 |
| Vuávájeijee(h) | Ernst Nilsen |
| Materiaal | Hirssâ |
| Čokkámsajeh | 75 |
Šuoššjäävri tuodârkirkko (orjâlâškielân Šuoššjávrri duottargirku já tárukielân Suosjavrre fjellkirke[1]), ovdil Šuoššjäävri kappel (orjâlâškielân Šuoššjávrri kapealla já tárukielân Suosjavrre kapell[2]) lii ive 1968 huksejum uccâ kuheskirkko Šuoššjäävrist, Kárášjuuvâst, Finnmark läänist, Taažâst.[1] Tom vuávái taažâ arkkiteht Ernst Nilsen Kristiansandist.
Tuodârkirkko kulá Kárášjuuvâ servikoodán, mii taas kulá Sis-Finnmark ruávástkoodán. Sis-Finnmark ruávástkodde lii ruávástkodde Tave-Hålogaland pispekoddeest.
Historjá
[mute | mute käldee]Kirho huksim vuávájui suulân 40 ihheed ovdil ko tot huksejui.[3]
Taažâ Sämivuolgâttâspargo, Kárášjuuvâ kieldâ já Kuovdâkiäinu kieldâ huksejii kirho oovtâst.[1] Kirho jurbâhiirsah láá Suomâ peln, Anarist.[3] Taid puovtij Šuoššjáávrán aanaarlâš Akseli Veskoniemi.[1]
Muorâkirkko vihkui kiävtun ive 1968 loopâst.[4] Huksiittâs lâi vaalmâš jo ovdil, mut tot ij kihheen halijdâm vihkâđ kiävtun ovdil ko puásuisämmiliih maccii kesikuáttumsojijnis.[3] Kiävtunvihkâm ij kuittâg tábáhtum čohčuv, mut esken juovlâmáánust.[3][4]
Huksiittâs
[mute | mute käldee]
Kuheskirkko lii rahtum salvum hirssâkeerdijn keđgijyelgi oolâ. Ulguubeln kirho hiirsah láá tääl máálájum tevkisruškâdin. Siskiibeln hiirsah láá vistig máálááhánnáá.
Kirho pirrâ lii vyeligis äiđi. Äiđiuksâ lii kirho viestârbeln nuuvtko kirho olgouksâ-uv. Kiirkon piäsá tuše uccâ pálgá mield.
Kirhoost láá čokkámsajeh 75 ulmui.[5]
Kuori
[mute | mute käldee]Kuori lii kirkkohuksiittâs nuorttiibeln, já tot lii vyeligub ko kirkkotupe. Kuorist lii álttár, mut ij lah álttártavlu. Álttártaavlu saajeest lii stuorrâ ristâ seeinist. Kirkkohuksiittâs taavaabeln lii nk. ambo ađai pulbet kuori já kirkkosali kooskâst.
Estâttesvuotâ
[mute | mute käldee]Kirkko lii čuumâ čohheest, parkkisaje lii Taažâ riijkâkiäinu 92 tovnbeln já kirho oovdâst láá porthááh ađai kirkko ij lah iästuttes. Jo ive 2007 taat mainâšui Min Áigi -loostâst, mut ij tot lah valagin iästuttes.[6]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Šuoššjäävri tuodârkirkko.
Käldeeh
[mute | mute käldee]- ↑ a â b c Suossjavri fjellkirke kirkesok.no. Čujottum 29.10.2022. (tárukielân)
- ↑ 40 år gammel plan realisert. Finnmarksposten, 11.5.1968, 102. ihekerdi, nr 54, s. 7. Artikkâl nettiversio Čujottum 30.10.2022. (tárukielân)
- ↑ a â b c 40 år gammel plan realisert. Finnmarksposten, 11.5.1968, 102. ihekerdi, nr 54, s. 7. Artikkâl nettiversio Čujottum 30.10.2022. (tárukielân)
- ↑ a â Sunde, Alf: Samemisjonsforeningen. Agder, 1969.01.22, 92. ihekerdi, nr 9, s. 2. Artikkâl nettiversio Čujottum 31.10.2022. (tárukielân)
- ↑ Jarl Inge: Kárášjohka/Karasjok - Suosjavrre kirke (Church) Travel-North. 9.8.2016. Čujottum 30.10.2022. (kirjetárukielân)
- ↑ Helander, Astrid: Bismabasit Kárášjogas. Min Áigi, 2007.03.07, 15. ihekerdi, nr 18, s. 8. Artikkâl nettiversio Čujottum 31.10.2022. (tavesämikielân)