Vorrâruotâs

Wikipedia:st
Vorrâruotâs
Potentilla erecta
Tile LC (eellimvuáimálâš)[1]
Tile Suomâst LC (eellimvuáimálâš)[2]
Tieđâlâš luokittâllâm
Doomeen Sellâvááimusliih Eucarya
Kodde Šadoh Plantae
Tävgi Pocceešadoh Tracheophyta
Vyelitävgi Kukkee šadoh Angiospermae
Luokka Kyevtalgâlostâsiih Magnoliopsida
Lahko Rosales
Hiäimu Ruusušadoh Rosaceae
Vyelihiäimu Rosoideae
Suuhâ Potentilla
Šlaajâ erecta
Vorrâruotâs (Potentilla erecta)

Vorrâruotâs (Potentilla erecta) lii puáris talhâsšaddo, mii kávnoo lahtâ meecijn, jeggiroobdâin, niijtoin, riddoin já jeegijn, main láá raavâdamnâseh. Vorrâruotâs nommâ kovvee tom, ete ruottâsijn kolgá voorâ ivnásâš kolgos, ko taid čuáppá.[3]

Vorrâruotâs suomâkielân já eres sämikieláid[mute | mute käldee]

Lavdâm[mute | mute käldee]

Vorrâruotâs šadda Aasiast já Tave-Euroopist.

Stuárudâh já olgohäämi[mute | mute käldee]

Vorrâruotâs lii 10–30 cm olluv. Kukká lii fiskâd, já ton čođâmitto lii 5–10 mm. Kuká lieđiloostah láá nelji.

Kiävttu sämmilij kulttuurist[mute | mute käldee]

Sämmiliih läävejii päiniđ näähki já kággá vorrâruotâsáin ruopsâdin. Sij suoskii ruotâs já kieđâvuššii naahkijd ruopsis čulgáin.[3]

Nuuvtko nommâ jo iätá, vorrâruottâsist eidu ruotâs lii tehálâš kevttimaamnâs. Ruottâsijd kalga nuurrâđ tooláá kiđđuv teikkâ čohčuv, ko versoh láá jo kulnâm. Kuškâdum ruottâsijn puáhtá millođ jáávuid já tain puáhtá vuoššâđ teejâ. Toin ulmuuh tipšuu čuávji- já čuálitaavdâid. Tot kevttui meid haavij já ittumij pyereedmân.[3]

Kovegalleria[mute | mute käldee]

Käldeeh[mute | mute käldee]

  1. IUCN Red List Čujottum 22.11.2022 (eŋgâlâskielân)
  2. Arto Kurtto: Vorrâruotâs – Potentilla erecta Suomen Lajitietokeskus. 2019. Čujottum 22.11.2022. (suomâkielân)
  3. 3,0 3,1 3,2 Ukkonen, Kirsi: ANARŠKIEL ŠADDONOOMAH - Noomâi etymologia já šadoi kiävttu purrâmâššân já tiervâsvuođâ naanoodmist (PDF) (Pro gradu -tuuđhâlm) 2017. Oulu ollâopâttâh. Čujottum 7.2.2022.