Myevvireh
| Myevvireh Simuliidae (Newman, 1834) |
|
|---|---|
 |
|
Tieđâlâš luokittâllâm |
|
| Kodde | Elleekodde Animalia |
| Uáiviráiđu | Lođâsjuálgásiih Arthropoda |
| Luokka | Tivreh Insecta |
| Vyeliluokka | Kirdee tivreh Pterygota |
| Lahko | Kyevtsuájásiih Diptera |
| Vyelilahko | Čuoškah Nematocera |
Myevvireh (Simuliidae) lii čuoškâhiäimu, mii tiättoo ubâ Suomâst.[1]
Olgohäämi
[mute | mute käldee]Myevvir lii 2–5 mm kukkosâš tivre, mii sulâstit olgohäämis peeleest kiärppáá.[2] Ton ivne lii uáli tevkkâd teikâ čappâd.
Eellimpiirâs
[mute | mute käldee]Myevvir mákkoo kolgee čääsi aldasijn já aatâšt Maadâ-Suomâ ulmuid já elleid peiviv, mut Säämi ässeid iho-uv. Siisâ myevvireh iä viigâ ollágin já jis toh toho mahtnii šaddeh, te tobbeen toh iä hiäđušt ulmuid ollágin. Toh tuše viggeh olgos ađai láá laasâst. Siämmáá náálá lättee puárui-uv siste.[2]
Suovsah
[mute | mute käldee]Suovsah iälusteh kolgee čääsist, mast toh láá poođâkeččin kiddâ keeđgijn já šaddoin.[2]
Myevviräigi
[mute | mute käldee]Myevvir iälust ubâ Suomâst – aainâs lieggâ keesij. Myevviräigi pištá kesimáánu rääjist čohčâmáánu räi. Loppâkeesi lii Säämist paalgâdäigi, kuás porruuh, čuoškah, myevvireh já polttijááh kivsedeh poccuid já ulmuid uáli čuuvtij.[2]
Käskimsaje
[mute | mute käldee]Niŋálâsmyevvir voojâst pastelis panijdiskuin häävi liiškán, moos tot luáštá voorâ kálálgem estee amnâs. Taat aamnâs lii njomâtteijeid mirhâlâš já toovvât käskimsajan ruápsájeijee, kujesteijee já saŋedeijee čikâlâs, mii sáttá pišteđ maaŋgâid ohhoid. Käskimsaje ij kolgâččii ruokkâđ, ko tot irdâšuvá älkkeht. Motomin käskimijn sáttá šoddâđ nuuvt kočodum myevvirkumeštâs, mii tiättoo uáivipovčâsin, kumeštâssân já illávajemin.[2]
Vyelihiäimuh já suuvah
[mute | mute käldee]Simuliidae-hiäimun kuleh čuávuvááh vyelihiäimuh já suuvah:[3]
Vyelihiäimuh
[mute | mute käldee]Suuvah
[mute | mute käldee]- Araucnephia
- Araucnephioides
- Archicnephia
- Austrosimulium
- Baisomyia
- Cnephia
- Cnesia
- Cnesiamima
- Crozetia
- Ectemnia
- Gigantodax
- Greniera
- Gydarina
- Gymnopais
- Kovalevimyia
- Levitinia
- Lutzsimulium
- Mayacnephia
- Metacnephia
- Paracnephia
- Parasimulium
- Paraustrosimulium
- Pedrowygomyia
- Prosimulium
- Simuliites
- Simulimima
- Simulium
- Stegopterna
- Sulcicnephia
- Tlalocomyia
- Twinnia
Keejâ meid
[mute | mute käldee]Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Myevvireh.
Käldeeh
[mute | mute käldee]- ↑ Simuliidae | Yleiskuvaus | Suomen Lajitietokeskus laji.fi. Čujottum 25.9.2022. (suomâkielân)
- ↑ 2,0 2,1 2,2 2,3 2,4 Mattus, Ilmari: Myevvireh já polttijááh. Anarâš-kalender 2011, 2011. Anarâškielâ servi ry.
- ↑ ITIS - Report: Simuliidae www.itis.gov. Čujottum 25.9.2022. (eŋgâlâskielân)