Saammâl já meeci kunâgâs (kirje)
Saammâl já meeci kunâgâs (eŋgâlâskielân Sammeli and the King of the Forest) lii vuossâmuš uási käävciuásásii kyevtkielâg Rumbu-kirjerááiđust. Kirjerááiđu čällee já kovvejeijee lii eŋlandlâš kirječällee Lee D. Rodgers.[1][2] Kirjeráiđu muštâl aanaarsämmilâš kaandâst, kiän nommâ lii Saammâl. Sun lii nuorâ kandâ, kii lijkkoo fiäránáid já Säämi mulsâšuvvee iveaigijd.
Taan kirje maainâs lohtâšuvá koskâkiäsán. Mainâsist Saammâl uápásmuvá ohtuunis kuobžáin já uáppá uđđâ kuálástemvyevi, maggaar lii juuvâ eellim, já tom, ete ääših iä lah ain nuuvtko toh vistig oroh.[1][3]
Kirje almostui ive 2013. Tot lii čallum sehe anarâškielân já eŋgâlâskielân. Kirjeest kielah láá paldâluvâi, vâi kielâid puávtáččij viärdádâllâđ. Anarâškielâlii uási lii jurgâlâm Petter Morottaja.[1] Taam kirje já rááiđu eres-uv kiirjijd lii kuástidâm Anarâškielâ servi ry.
Käldeeh
[mute | mute käldee]- ↑ 1,0 1,1 1,2 Nettisaje - Wiki anarâškielâst já kulttuurist Čujottum 7.9.2021
- ↑ Lapland8seasons - Bookshelf Čujottum 7.9.2021
- ↑ Saammâl já meeci kunâgâs — Sammeli and the King of the Forest. Lee. D. Rodgers. Anarâškielâ servi ry. 2013