Saammâl já kozzsäplig

Wikipedia:st
Njuškii navigistmân Njuškii ucâmân

Saammâl já kozzsäplig (eŋgâlâskielân Sammeli and the Lemming) lii viiđâd uási käävciuásásii kyevtkielâg Rumbu-kirjerááiđust. Kirjerááiđu čällee já kovvejeijee lii eŋlandlâš kirječällee Lee D. Rodgers.[1][2] Kirjeráiđu muštâl aanaarsämmilâš kaandâst, kiän nommâ lii Saammâl. Sun lii nuorâ kandâ, kii lijkkoo fiäránáid já Säämi mulsâšuvvee iveaigijd.

Taan kirje maainâs lohtâšuvá táálván. Mainâsist Saammâl tiävá puáris skipárijnis. Sun iššeed skipáris já siämmást šadda uásálistiđ fiäránân, mon ääigi sun uáppá, ete nuubij ravvuid kannat kuldâliđ já ete jávuttes äijih lii vijses máttáátteijee.[3]

Kirje almostui ive 2016. Tot lii čallum sehe anarâškielâneŋgâlâskielân. Kirjeest kielah láá paldâluvâi, vâi kielâid puávtáččij viärdádâllâđ. Anarâškielâlii uási lii jurgâlâm Petter Morottaja.[1] Taam kirje já rááiđu eres-uv kiirjijd lii kuástidâm Anarâškielâ servi ry.

Käldeeh[mute | mute käldee]

  1. 1,0 1,1 Nettisaje - Wiki anarâškielâst já kulttuurist Čujottum 9.9.2021
  2. Lapland8seasons - Bookshelf Čujottum 9.9.2021
  3. Saammâl já kozzsäplig — Sammeli and the Lemming. Lee. D. Rodgers. Anarâškielâ servi ry. 2016