Saammâl já juovlâlisto
Saammâl já juovlâlisto (eŋgâlâskielân Sammeli and the Christmas List) lii kuálmád uási käävciuásásii kyevtkielâg Rumbu-kirjerááiđust. Kirjerááiđu čällee já kovvejeijee lii eŋlandlâš kirječällee Lee D. Rodgers.[1][2] Kirjeráiđu muštâl aanaarsämmilâš kaandâst, kiän nommâ lii Saammâl. Sun lii nuorâ kandâ, kii lijkkoo fiäránáid já Säämi mulsâšuvvee iveaigijd.
Taan kirje maainâs lohtâšuvá koskâtáálván. Mainâsist Saammâl uáppá, ete juovlah meecist láá uáli siämmáálágáneh ko juovlah pääihist já ete toid kulá ennuv eenâb-uv ko tuše skeeŋkah.[3]
Kirje almostui ive 2014. Tot lii čallum sehe anarâškielân já eŋgâlâskielân. Kirjeest kielah láá paldâluvâi, vâi kielâid puávtáččij viärdádâllâđ. Anarâškielâlii uási lii jurgâlâm Petter Morottaja.[1] Taam kirje já rááiđu eres-uv kiirjijd lii kuástidâm Anarâškielâ servi ry.
Käldeeh
[mute | mute käldee]- ↑ 1,0 1,1 Nettisaje - Wiki anarâškielâst já kulttuurist Čujottum 7.9.2021
- ↑ Lapland8seasons - Bookshelf Čujottum 7.9.2021
- ↑ Saammâl já juovlâlisto — Sammeli and the Christmas List. Lee. D. Rodgers. Anarâškielâ servi ry. 2014