Siida
Siida lii museo já luándukuávdáš Aanaar markkânist. Siidast tuáimih Säämimuseo sehe Meccihaldâttâs Paje-Laapi luándukuávdáš. Säämimuseo lii Suomâ sämmilij aalmuglâšmuseo já ton hovdâ lii Taina Pieski.[1][2] Vyesimáánu 4. peeivi 2024 Siida väljejui Ive eurooplâš museon já 24. peeivi Ive syemmilâš museon.[3][4]
Siida čáitálduvah muštâleh sämmilâš kulttuurist, historjást sehe Paje-Laapi luándust. Siida-rakânâs vijđedui iivij 2020–2022 já siämmást ton čáitálduvah uđâsmuvvii.[5]
Historjá
[mute | mute käldee]Sámi Litto – Saamelaisten yhdistys ry vuáđudij Säämimuseo ive 1959 já ive 1963 lekkui olgomuseo, mii oovdânpuáhtá sämmilij huksimärbivyevi. Tááláš museoviäsu valmâštui ive 1998. Siida pirrâsist lâi aassâm jo keđgiääigi 10 000 ihheed tassaaš já arkeologâlâš amnâstuvah láá kavnum ton kuávlust, tondiet tot lii toovlášmuštokuávlu.[5]
Ive eurooplâš museo
[mute | mute käldee]Säämimuseo Siida väljejui ive 2024 eurooplâžžân museon.[6] Palhâšume juohhui vyesimáánu 4. peeivi 2024 Portugalist Portimãost EMYA (European Museum of the Year Award) -konferensist, mon ornij European Museum Forum.[6] Ive eurooplâš museo -palhâšuumeest kištottâllii ohtsis 50 museod 24 enâmist.[7] Palhâšume juohhui vuossâmuu tove ive 1977.
Olgomuseo
[mute | mute käldee]Siida olgomuseost láá masa vittlov viässud já rakânâssâd, moh láá juohhum kulttuurkuávlu tâi kevttimulme miäldásijd juávhoid suullân 800 meetter kukkosâš suoppâinhámásâš pálgá piällás. Čuosâttuvah muštâleh Suomâ kuulmâ sämikulttuur kulttuurärbivyevist, rähtimärbivyevist já iäláttâsâin.[8]
Olgomuseo lii áávus museo ávusorroomaaigij mield.[8]
Keejâ meid
[mute | mute käldee]Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Siida.
Käldeeh
[mute | mute käldee]- ↑ Taina Pieski Saamelaismuseo Siidan museonjohtajaksi – Siida siida.fi. Čujottum 26.3.2024. (suomâkielân)
- ↑ Saamelaismuseo Siidan uusi johtaja Taina Pieski vannoo elävän museon nimiin – saamelaiset eivät ole historiaa, vaan elävä kansa Yle Uutiset. 23.8.2023. Čujottum 26.3.2024. (suomâkielân)
- ↑ Sámi muséa Siida lea jagi eurohpalaš muséa NRK Sápmi. 5.5.2024. Čujottum 5.5.2024. (tavesämikielân)
- ↑ Torikka, Xia: Siida válljejuvvon Suoma jagi musean Yle Säämi. 24.5.2024. Čujottum 24.5.2024. (tavesämikielân)
- ↑ 5,0 5,1 Säämimuseo já Luándukuávdáš Siida uđâsmuvá siida.fi. Čujottum 21.3.2024.
- ↑ 6,0 6,1 Schreck, Jasmina: Säämimuseo Siida väljejui ive eurooplâžžân museon anarasaavis.fi. 7.5.2024. Čujottum 7.5.2024.
- ↑ Sámemusea Siida lea jagi eurohpalaš musea Yle Sápmi. 9.1.2023. Čujottum 7.5.2024. (tavesämikielân)
- ↑ 8,0 8,1 Siida olgomuseo siida.fi. Čujottum 21.3.2024.