Ruánáávarbusâš

Ruánáávarbusâš Spinus spinus (Linnaeus, 1758)
Tile	LC (eellimvuáimálâš)
Tile Suomâst	LC (eellimvuáimálâš)
Tieđâlâš luokittâllâm
Doomeen	Sellâvááimusliih Eucarya
Kodde	Elleekodde Animalia
Uáiviráiđu	Savosuonâsiih Chordata
Vyeliráiđu	Čielgitávtáliih Vertebrata
Luokka	Lodeh Aves
Lahko	Varbuslodeh Passeriformes
Hiäimu	Piäippáineh Fringillidae
Suuhâ	Ruánáávarbusiih Spinus
Šlaajâ	spinus

Ruánáávarbusâš lii piäippáinij hiäimun kullee varbuslodde.

Stuárudâh já tobdomeerhah

Niŋálâs

Ruánáávarbusâš lii uccâ fiskis-, ruánáá- já čapiskirjáás loddááš. Tot lii 11–12,5 cm kukke já tiäddá 10–15 g. Čuávji lii kuovgâd já ertpeeli čapissárgáá. Orráás uáivičokke já čuudâ láá čappâdeh, niŋálâs uáivi lii ruánáásárgáá. Nuorâ ruánáávarbusâš sulâstit niŋálâs. Ruánáávarbusii laavlâ lii jotelis visârdem.

Lavdâm já eellimpiirâs

Ruánáávarbusâš iälá vijđásávt Euroopist já Aasiast. Suomâst tot pessee masa ubâ enâmist, eereeb Säämi tuodârkuávluin. Majemui iheluuvij ruánáávarbusâš lii kuittâg lavdâm tavaskulij. Suomâ pessimnääli lii áárvu mield kyehti miljovn paarrâd, mut nääli mulsâšud ennuv ihásávt kuosâ já suávi siemâšadoi mield. Ruánáávarbusâš värree tálvástâllâđ Uárji- já Koskâ-Euroopân sehe Koskâmeerâ kuávlun čohčâ-roovvâdmáánust já máccá Suomân njuhčâ-cuáŋuimáánust.

Lasanem

Ruánáávarbusâš pessee mielâstis kuosâvuovdijn já piervâld táválávt kuosân. Niŋálâs mannee cuáŋuimáánust 4–6 mane já láálá taid 11–14 peivid. Uđâgááh vyelgih piervâlist 15 peeivi ahasâžžân. Ruánáávarbusâš mannee távjá nube piäsáduv kesi-syeinimáánust.

Raavâd

Ruánáávarbusâš porá siemânijd já čielgitävtittes elleid.