Pivtâspäddi (taaiđâproojeekt)
.jpg)
Pivtâspäddi (ruotâ- já suomâkielân Tvättlina – Pyykkinaru, orjâlâškielân Bivttasbáddi) lii normâkriittisâš siärvustaaiđâproojeekt, mon rahtijn taidâreh Heidi Lunabba já Ilar Gunilla Perssen ive 2014 Jeppis Pride ohtâvuođâst.[1] Proojeekt tárguttâssân lii viestâdiđ kietâtuojij peht seksuaal- já suhâpeliucceeblovvoid, ete ohtsâškoddeest láá ennuv ulmuuh, kiäh tuárjuh sii, veik taat toorjâ ij veltihánnáá ain oinuu.
Taaiđâproojeekt tuávááš
[mute | mute käldee]
Syeinimáánu 25.–26. peeivi 2014 uárnejui Pietarsaari vuossâmuš pridefestivaal Jeppis Pride.[2] Tot lâi meiddei Suomâ vuossâmuš ruotâkielâlâš pridefestivaal.[2] Motomeh páiháliih suomâkielâliih ulmuuh kuittâg protestistii korrâ jienáin el. tast, ete páiháliih loostah aiguu muštâliđ tábáhtusâst já ete Pietarsaari kaavpug ááigui keessiđ arvetävgiliipu stáágun Pietarsaari räđiviäsu já kaavpugtáálu oovdân.[3][4][5]
Vuossâmuu ääši Almolii sääni rääđi (suomâkielân Julkisen sanan rääđi, JSN) tuommij tondiet ko pridetábáhtus vuástálisteeh lijjii keččâlâm käržidiđ Österbottens Tidning -toimâttâs sänirijjâvuođâ já uálguttiđ tom lopâttiđ uđâstieđettem tiilámboikot peht tast huolâhánnáá, ete toimâttâs lâi toimâm ravvui já njuolgâdusâi miäldásávt.[2] Nube áášán reagistijn Lunabba já Perssen. Suoi rahtijn puohháid ohtsii uásálistee taaiđâproojeekt Tvättlina – Pyykkininaru (anarâškielân Pivtâspäddi), mast uásálisteeh väldih jieijâs skaapist oovtâ- tâi maaŋgâivnásijd pihtâsijd teikkâ jieškote-uvlágánijd tekstiilijd já kohâsteh taid pivtâspáádán ovdâmerkkân jieijâs šiljoost, mottoom almolii saajeest teikkâ mottoom käävpi laasâst toin naalijn, et šaddeh arvetäävgi iivneh.[5]
.jpg)
Sajaduvah
[mute | mute käldee].jpg)
Pivtâspäddi-proojeekt lii lamaš uáinusist tave-enâmij pridefestivaalijn,[6][7] čáitálduvâin já tábáhtusâin. Ive 2015 Säämi Pride Kárášjuuvâst lâi vuossâmuš saje, kuus Pivtâspäddi-siärvustaaiđâproojeekt sirdui ive 2014 Jeppis Pride maŋa.[8][9] Kárášjuuvâst lijjii pivtâspäädih sehe Prideviäsu já -láávu ulguu- já siskiibeln já meid maaŋgâ saajeest siijdâst.[9][10][11] Tai lasseen pridepaaraat uásálisteeh kuoddii nube pivtâspäädi fáárust siijdâ čoođâ.[11]
Käldeeh
[mute | mute käldee]- ↑ Vähäsarja, Sari: Sateenkaaren väreissä hehkuva pyykkinaru kertoo tuesta Jeppis Pridessä Yle Uutiset. 27.5.2014. Čujottum 4.7.2021. (suomâkielân)
- ↑ a â b Latvala, Johanna: Pietarsaaren Pride-uutisointi suututtaa – lehteä syytetään hysterian ja homopropagandan levittämisestä Yle Uutiset. 13.8.2014. Čujottum 4.7.2021. (suomâkielân)
- ↑ Kyheröinen, Joni: Jakobstad flaggar med regnbågens färger Svenska Yle. 26.5.2014. Čujottum 4.7.2021. (ruotâkielân)
- ↑ Vikman, Kjell: KD vill slippa flaggning under Jeppis Pride Svenska Yle. 28.5.2014. Čujottum 4.7.2021. (ruotâkielân)
- ↑ a â Södergård, Andrea: Lågmäld aktivism på Titanik Åbo Underrättelser. 7.8.2015. Čujottum 4.7.2021. (ruotâkielân)
- ↑ Haarala, Joona: Turussa protesti taideilkivallalle: sateenkaaren värisiä vaatteita narulle ympäri kaupunkia Yle Uutiset. 15.8.2015. Čujottum 4.7.2021. (suomâkielân)
- ↑ Titanik-gallerian sateenkaaripyykkinarut rikottu toistamiseen jokirannassa Aamuset. 15.8.2015. Čujottum 4.7.2021. (suomâkielân)
- ↑ Lakkala, Aletta: Máilmmi nubbi Sápmi Pride ordnejuvvo vahkuloahpa Kárášjogas – Mielde earret eará Erland Elias ja Maxida Märak Yle Sápmi. 26.5.2015. Čujottum 4.7.2021. (tavesämikielân)
- ↑ a â Kuhmunen, Merethe: Visar stöd för HBTQ personer med regnbågsfärgade kläder Sameradion & SVT Sápmi. 29.5.2015. Čujottum 4.7.2021. (ruotâkielân)
- ↑ Ivdnás márkan NRK Sápmi. Čujottum 4.7.2021. (tavesämikielân)
- ↑ a â Larsson, Carl-Gøran, Wilhelmsen, Mattis ja Nystad, Berit: Sápmi Pride-deltaker: – I dag vil jeg være ekstra crazy NRK Sápmi. 30.5.2015. Čujottum 4.7.2021. (tárukielân)
