Pauliina Feodoroff
Pauliina Feodoroff (š. 1977, Aanaar) lii nuorttâlâš elleekove- já teatterstivrejeijee, kietâčällee já luándusuojâleijee. Sun meid tooimâi Sämirääđi saavâjođetteijen iivij 2007–2008.
Eellim
[mute | mute käldee]18-ihásâžžân Feodoroff uusâi Teatterollâškoovlâ stivrim já dramaturgia instituutân luuhâđ stivrejeijen[1] já ive 2002 sun valmâštui tobbeen.
Valmâštum maŋa Feodoroff čaalij já stivrij maaŋgâid dokumentelleekuuvijd. Ive 2007 sun finnij Kritiikin Kannukset -palhâšume suu čäällim já stivrim kuhes elleekooveest Non Profit. Elleekove vuosâeehid lâi Skammâkoveh-elleekovefestivaalist Anarist uđđâivemáánu 28. peeivi 2007.[2] Non Profit elleekove budjet lâi paijeel 20 000 eurod[3], mii lâi joba Suomâst-uv mittokaavast epitáválâš ucce. Pyevtittemproosees piištij love ihheed.
Iivij 2009–2013 Feodoroff oovtâst Milja Sarkolain tooimâi Teatteri Takomo taiđâlâžžân hovdân.[4][5]
Käldeeh
[mute | mute käldee]- ↑ Tienviittoja: Tienviittoja Pauliina Feodoroff Yle Areena. 6.1.2014. Čujottum 15.11.2021. (nuorttâlâškielân) já (suomâkielân)
- ↑ Prográmma 2007 Skammâkoveh. 2007. Vyerkkejum 15.11.2021. Čujottum 14.11.2021. (tavesämikielân)
- ↑ Tukipäätökset joulukuu 2007. SES-info 1/2008, s. 15 Čujottum 14.11.2021 (suomâkielân)
- ↑ Teatteri Takomo sai uuden taiteellisen johdon Ilta-Sanomat. 29.8.2008. Čujottum 15.11.2021. (suomâkielân)
- ↑ Mäkinen Esa: Akse Pettersson Teatteri Takomon taiteelliseksi johtajaksi Helsingin Sanomat. 15.4.2012. Čujottum 6.3.2025. (suomâkielân)