Paprika
Paprika (Capsicum annuum) lii šaddo, mon myerjih kiävttojeh sehe njadosin já puurrâmšaddon. Kiävttu lii šado šlaajâst kiddâ. Paprika lii vuálgus Meksikost. Tieđâlii nomâstis (annuum "oovtâihásâš") huolâhánnáá šaddo lii maaŋgâihásâš. Távjá tot šoddâduvvoo kuittâg oovtâihásâžžân.
Šoddâdem
[mute | mute käldee]Paprika väljejui Suomâst iivij 2005 já 2020 ive šaddon.[1][2] Uŋgarist šoddâdeh ennuv paprika, tastko tot lii uŋgarlii purrâmušân tehálumos njados já Uŋgar aalmuglâšnjados.[3]
Paprikast láá valjeeht jieškote-uvlágáneh šlaajah, moh pyehtih leđe ruopsâdeh, oranseh já fiskâdeh. Ruánáá paprikah iä lah vala laddâm, mut purâtteh.
Paprikast lii ennuv c-vitamin: 100 g ruánáá paprika siskeeld 120 mg c-vitamin, ruopsis paprika vuod suullân 180 mg. Puoh enâmustáá c-vitamin lii fiskis paprikast: 100 g fiskis paprika siskeeld paijeel 200 mg c-vitamin.[4]
Käldeeh
[mute | mute käldee] |
Wikimedia Commonsist láá koveh teikkâ eres tiätuvuárháh fáádást Paprika. |
- ↑ Vuoden 2005 vihannes on paprika kasvikset.fi. Čujottum 11.3.2022. (suomâkielân)
- ↑ Arvaatko mikä on valittu vuoden 2020 vihannekseksi? Suomalaiset rakastavat sen raikasta makua ja rapsakkaa suutuntumaa Maaseudun Tulevaisuus. Čujottum 11.3.2022. (suomâkielân)
- ↑ Finstad, Anna: Paprika Suomi-Unkari Seura. 13.10.2008. Čujottum 11.3.2022. (suomâkielân)
- ↑ Ravintotekijät - Fineli fineli.fi. Čujottum 11.3.2022. (suomâkielân)