Njellim táálu
Njellim táálu lii puárásumos táálu Njellimist. Ton vuosmuš ässee lâi Piäkká Piättárkandâ Saijets ađai Nyere Piäkká[1] (17. cuáŋuimáánu 1847 Aanaar, Suomâ – 29. uđđâivemáánu 1920 Aanaar, Suomâ), kote suuvâi Anarist Njellimân 1800-lovo loopâ peln. Sun vuáđudij toho vuossâmuu táálu, mon nommâ lâi Njellim. Tast šoodâi Njellim siijdâ algâ.[1] Nyere Piäkká poođij Aanaarjäävri paijeel Kolŋuuvuonâpootân já meridij asâdâttâđ eidu ton sajan. Suu mielâst tot lâi pyeri saje, já toos sun paasij.[2]
Pirrâsis keejâddijnis Nyere Piäkká vuámášij Mustolast ässee Irján Musta Kaarin-nieidâ olssis já meridij väldiđ suu aassâmskipárinis. Suoi vihkuin njuhčâmáánu 3. peeivi 1870. Kaarin lâi talle 33-ihásâš. Suoi eelijn meiddei vyevditipšoo kulen já kuođijn aassâmtonttiucâmuš, Kolŋuuvuonâpootân já aassâmtile nommân soppui Nellim.[2]
Kuáđih sunnust lijjii Njellimist, Njellimjäävrist já Sulgušjäävrist. Iäláttâssân lijjii kuálástem, puásuituálu já meccipivdo. Sunnui šoddii kulmâ alge. Ko párnááh šoddii, te kolgii sij mottoom pyereeb aassâmsaje rähtiđ. Nyere Piäkká raahtij kyevti viste táálu, mii lâi 4x5 m. Tot lâi härvinâš stuorrâ táálu ton ááigán.[2]
Ive 1935 poođij Kokkolast Carl Fredrik "Fredi" Fredlund -nommâsâš almai, kote algâttij sááhá rähtim. Njellimân iđeškuottii eenâb tááluh, já kuávlu puovtij jo kočodiđ kylán. Ko Njellim-nommâsâš táálu lâi puárásumos, te tiäđust-uv luándulávt koččoodškuottii meid aassâmkuávlu Njellim.[2]
Saijets táálu uážui šleeđgâ sááhást ive 1930. Táálust tooimâi puvdâ talle ko táálu omâsteijen lâi Johan Matti Saijets.
Saijets táálu uuvsah lijjii ávusin ubâ aalmugân. Tot lâi lappâdjottei ijjâsaje sehe päihittemes já kievhis ulmui aassâmpäikki já torvosaje.
Kirjálâšvuotâ
[mute | mute käldee]- Matti Sverloff - Suenjelin saamelaisten perintö (ISBN 9789529162277)