Njuškii siskáldâsân

Narges Mohammadi

Wikipedia:st
Narges Mohammadi

Narges Safie Mohammadi (farsikielân نرگس صفیه محمدی; š. cuáŋuimáánu 21. peeivi 1972 Zanjan, Iran[1]) lii iranlâš olmoošvuoigâdvuotâpiälušteijee já Olmoošvuoigâdvuotâpiälušteijei kuávdáá väripresident, mon hovdâ lii Nobel-ráávhupalhâšume finnim Shirin Ebadi. Ive 2023 Mohammadi vuoitij Nobel-ráávhupalhâšume.[2]

Eellim[mute | mute käldee]

Mohammadi šoodâi Zanjanist já rávásmij Qorvehist, KarajistOshnaviyehist. Sun luuvâi fyysiik Imam Khomeini International University -nommâsii ollâopâttuvâst. Valmâštum maŋa sun poorgâi insnerin. Maŋeláá sust šoodâi toimâtteijee, já sun almostitij meid kirje, mon nommâ lii The reforms, the Strategy and the Tactics.[3]

Ive 1999 sun naajâi toimâtteijee Taghi Rahmanijn, kii pieijui kuittâg faŋgâlân forgâ heejâi maŋa.[3][4] Rahmani varrij Raanskan ive 2012, ko sun lâi jo viättám ohtsis 14 ihheed faŋgâlist, mut Mohammadi paasij Iranân, vâi sun puávtáččij juátkiđ olmoošvuoigâdvuođáid lahtojeijee pargo.[5] Mohammadist já Rahmanist láá jyemehááh.[4][5]

Fáádást eres soojijn[mute | mute käldee]

Käldeeh[mute | mute käldee]

  1. Narges Mohammadi nobelprize.org. Čujottum 6.10.2023. (eŋgâlâskielân)
  2. The Nobel Peace Prize 2023 nobelprize.org. Čujottum 6.10.2023. (eŋgâlâskielân)
  3. 3,0 3,1 Narges Mohammadi, from Iran, recipient of the International Alexander Langer Award 2009 www.alexanderlanger.org. Čujottum 6.10.2023. (eŋgâlâskielân)
  4. 4,0 4,1 Profile | Nationalist, Religious, and Resolute: Narges Mohammadi FRONTLINE - Tehran Bureau. Čujottum 6.10.2023. (eŋgâlâskielân)
  5. 5,0 5,1 Kamali Dehghan, Saeed: Iranian human rights activist Narges Mohammadi arrested The Guardian. 26.4.2012. Čujottum 6.10.2023. (eŋgâlâskielân)