Loka tulvâdemjävri
| Lokka | |
|---|---|
 |
|
| Staatâ | Suomâ |
| Eennâmkodde | Lappi |
| Kieldâ | Suáđigil |
| Čäsuáivi alodâh | 244[1] m |
| Vijđodâh | 315,42[1] km² |
| Čäcirääji | 334[1] km |
| Stuárráámus kieŋŋâlvuotâ | 12[1] m |
| Koskâkieŋŋâlvuotâ | 3,8[1] m |
| Saijaasvuotâ | 1,2[1] km³ |
| Kulgâmvijđodâh | 2 352[1] km² |
| Juvvâdâh | Luiro |
 |
|
Loka tulvâdemjävri teikkâ tuše Lokka lii tulvâdemjävri Suáđigil kieldâst, Laapi eennâmkoddeest.
Loka tulvâdemjäävri vijđodâh lii koskâmiärálávt 315 km2 já tot lii Euroop union stuárráámus tulvâdemjävri. Loka kulgâmvijđodâh lii 2 352 km2 já tot kulá Kiemâjuuvâ čácádâhân. Lokka lii ovtâstittum Porttâpäävti tulvâdemjáávrán Vuáču kanavain. Lokka finnee čääsis Tanka- já Luirojuuvâin sehe Porttâpäävtist. Luirojuuhâ juátkoo Loka maŋa já luáštá Kitisâžân, mii vuod luáštá Kiemâjuuhân.
Loka tevdim aalgij ive 1967, nuuvt ko Porttâpäävti-uv. Jäävri rähtim finnij ennuv kritikijd páihálâš ulmuin já luándusuojâleijein. Loka vuálá paccii kulmâ siijdâ: Korvanen, Alariesto já Mutenia sehe Euroop stuárráámus jeggi, Posoaapa.
