Johan Nuorgam

Johan Nuorgam ađai Nijlâs Jovn Juhháán (1910–1978) lâi 1900-lovo sämmilii kulttuur já ärbivyevi pioneer ađai oovdâstjottee. Sun lâi vuálgus Uáivušväärist Kitinlompolo táálust, mii lii alda Čivtjuv uáivuš. 1930-lovvoost sun lâi pargoost olgomuseost Seurasaarist. Siämmást sun nuurâi ennuv jieškote-uvlágánijd härvinâš tiiŋgâid, moh láá onnáá peeivi uáinusist Siidast. Nuorgam tooimâi toimâtteijen Tunturisanomat-loostâst, mii almostui sehe suomâkielân já tavesämikielân. 1950-lovvoost sun tooimâi muáddi ive meiddei tavesämikielâlii Sápmelaš-loostâ toimâtteijen. 1950-lovo loopâst sun vuáđudij Säämimuseo Siida. Aanaar sämmilâšmuseo, mon lekkii keesi 1963, lâi vuossâmuš sämmilij vuáđudem museo ubâ maailmist. Vuáđudeijen lâi Samii Litto – Saamelaisten Yhdistys. Ton hoovdâin Johan Nuorgam lâi oovdâstjottee já olášuttee. Saavâjođetteijee Johan Erkki Jomppanen vuod hoittái koskâvuođâid merideijeid já ruttâdeijeid.