Jeremy Hansen
Jeremy Roger Hansen (š. uđđâivemáánu 27. peeivi 1976 London, Ontario, Kanada) lii kanadalâš astronaut, kote cuáŋuimáánu 3. peeivi 2023 väljejui Artemis II -mánudâšmääđhi astronautin oovtâst Christina Hammock Kocháin, Victor J. Gloveráin já Reid Wisemanáin.
Eellim[mute | mute käldee]
Jeremy Hansen lii šoddâm Londonist, Kanadast, mut sun viettij pärnivuođâs eennâmtáálust Ailsa Craig aldasijn. Tastmaŋa sun varrij Ingersollân, kost sun juuđij Ingersoll District Collegiate Institute -nommâsii luvâttuv.
Jeremy Hansen lii naaijâm, já sust láá kulmâ párnáá.[1]
Karrieer[mute | mute käldee]
Jeremy Hansen lii komovuotâsyergi luándutiettuu kandidaat já fyysiik maister. Sun lii tutkâm satelliitčuávvum vijđeskovesatelliitijgijn. Sun lii meid škovlim NASA astronautluoka. Sust lii taištâlemkirdee škovliittâs. Sun lii uásálistám kuovđâšmohjelmân já viättám eennâm vyelni kuttâ peeivi. Ton lasseen sun lii uásálistám merâtutkâmohjelmân, mii valmâštâl astronautijd komovuotâmáátkán.[2][1]
Tubdâstâsah[mute | mute käldee]
10521 Jeremyhansen -nommâsâš asteroid lii finnim noomâs Jeremy Hansen mield.[3]
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Jeremy Hansen.
Käldeeh[mute | mute käldee]
- ↑ 1,0 1,1 Astronaut Jeremy Hansen's biography Canadian Space Agency. 13.5.2009. Čujottum 17.4.2023. (eŋgâlâskielân)
- ↑ Olthuis, Márjá-Liisá: Artemis II -mánudâšmääđhi astronauteh láá väljejum | Anarâš aavis anarasaavis.fi. Čujottum 17.4.2023.
- ↑ (10521) Jeremyhansen = 1990 RW7 = 1996 TH15 www.minorplanetcenter.net. Čujottum 17.4.2023. (eŋgâlâskielân)