Ive 2023 Tšeeki presidentvaaljah
Ive 2023 Tšeeki presidentvaaljah láá presidentvaaljah, moh uárnejuvvojii Tšeekist uđđâivemáánust 2023. Tááláš president Miloš Zeman ij lamaš iävtukkâssân täin vaaljâin, tastko sun lâi jo toimâm kyehti paje maŋaluvâi Tšeeki presidentin.
Vaaljâi vuossâmuš jienâstemrieggee uárnejui uđđâivemáánu 13. já 14. peeivij 2023. Ko ij kihheen iävtukkâsâin finnim paijeel pele adelum jienâin, te vaaljâin uárnejui meid nubbe rieggee uđđâivemáánu 27. já 28. peeivij 2023. Vuossâmuu rieggest kyehti enâmustáá jienâid finnim iävtukkâskyevtis Petr Pavel já Andrej Babiš láin iävtukkâssân nube rieggest.
Nube jienâstemrieggest Petr Pavel finnij 57,6 % jienâin, já te sun väljejui Tšeeki presidentin.[1] Pavel algâttij Tšeeki president virgeest njuhčâmáánu 9. peeivi 2023.[2]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Ive 2023 Tšeeki presidentvaaljah.
Käldeeh
[mute | mute käldee]- ↑ Cameron, Rob já Zaccaro, Maria: Petr Pavel: Ex-general beats populist rival in Czech election BBC. 28.1.2023. Čujottum 29.1.2023. (eŋgâlâskielân)
- ↑ Inaugurace nově zvoleného prezidenta Petra Pavla proběhne 9. března, oznámila předsedkyně Sněmovny iRozhlas. 28.1.2023. Čujottum 29.1.2023. (tšeekikielân)