Njuškii siskáldâsân

Helene Kløvstad

Wikipedia:st
Helene Kløvstad
Helene C. Kløvstad
Šoddâm cuáŋuimáánu 5. peeivi 1903
Kristiania, Ruotâ-Taažâ
Jáámmám njuhčâmáánu 13. peeivi 1998 (94-ihásâžžân)
Oslo, Taažâ
Pargo
Áámmát jurgâleijee, párnáikirječällee já máttáátteijee
Noomah Helene Conradi Kløvstad
Kielâ tárukielâ
Peerâ
Vanhimeh Otto Louis Grennes Grenness já Helene Johanne Haslund Grenness

Helene Conradi Kløvstad (j.s. Grenness; cuáŋuimáánu 5. peeivi 1903 Kristiania, Ruotâ-Taažânjuhčâmáánu 13. peeivi 1998 Oslo, Taažâ) lâi taažâ máttáátteijee, párnáikirječällee já jurgâleijee.[1][2]

Eellim[mute | mute käldee]

Helene Conradi Grenness šoodâi cuáŋuimáánu 5. peeivi 1903 Kristianiast, Ruotâ-Taažâst. Suu eeči lâi Otto Louis Grennes Grenness já suu enni lâi Helene Johanne Haslund Grenness (1865–1938).[3][4]. Kuohtuuh láin máttáátteijeeh.[3][4] Sust lâi meiddei stuorrâviljâ, ive 1897 šoddâm Johannes.[5]

Karrieer[mute | mute käldee]

Kløvstad poorgâi škovlâmáttáátteijen Sagene škoovlâst Oslost, Taažâst. 1930-lovvoost sun čaalij 12 párnáikirjed kuulmâ kirjerááiđust.[6] Ko ive 1948 sun jurgâlškuođij Donald Duck & Co -ráiđukove, te sun lâi jo tobdos párnáikirjijnis já pargostis párnái pyerrin.[6][7]

Donald Duck[mute | mute käldee]

Kløvstad lâi Donald Duck & Co -ráiđukove vuossâmuš jurgâleijee já vuossâmuš toimâtteijee.[7] Sun adelij tárukielâg noomâ puoh Carl Barks sárgum huáđđoid. Ráiđukove vuossâmuš nummeer almostui tárukielân juovlâmáánu 1. peeivi 1948.[6][8] Veikkâ Kløvstad kočoduvvoo jurgâleijen, suu pargo lâi čuuvtij vijđásub ko tuše jurgâlempargo, tastko sun heiviittij käldeeteevstâ nuuvt, ete tot heivij pyerebeht Taažâ ohtsâškoodán.[6] Toos lasseen teevstâin sun ij kiävttám maggaargin kuávlukielâ, pic sun čaalij já jurgâlij normâdum kirjetárukielân.[6]

Ive 1961 rääjist suu pargoskippáár Elisabeth Skaare išedij jurgâlempargoost.[8][9] Muáddi ive maŋeláá Skaare sajan poođij sunnuu pargoskippáár, máttáátteijee Vivi Aagaard.

Pargo (uási)[mute | mute käldee]

Käldeeh[mute | mute käldee]

  1. Helene Conradi Grenness Historisk befolkningsregister. Čujottum 4.10.2023. (kirjetárukielân)
  2. Person: Helene Conradi Kløvstad Digitalarkivet. Čujottum 4.10.2023. (kirjetárukielân)
  3. 3,0 3,1 Otto Louis Grennes Grenness Historisk befolkningsregister. Čujottum 4.10.2023. (kirjetárukielân)
  4. 4,0 4,1 Helene Johanne Haslund Grenness Historisk befolkningsregister. Čujottum 4.10.2023. (kirjetárukielân)
  5. Person: 003 Johannes Grenness Digitalarkivet. Čujottum 4.10.2023. (kirjetárukielân)
  6. 6,0 6,1 6,2 6,3 6,4 Sørensen, Øystein: Fra Duckburg til Andeby: Donald på norsk Norsk Oversetterleksikon. Čujottum 4.10.2023. (kirjetárukielân)
  7. 7,0 7,1 Nyhet! Første nummer av Walt Disney's Donald Duck & Co. Friheten, 1.12.1948, 8. ihekerdi, nr 280, s. 2. Artikkâl nettiversio Čujottum 4.10.2023. (kirjetárukielân)
  8. 8,0 8,1 Holen, Øyvind: Donald-landet: Hvordan en and i matrosdress formet det moderne Norge. Vigmostad & Bjørke, 2012. (kirjetárukielân)
  9. Holtan, Kai: Donaldikk. Moss Dagblad, 11.6.2004, 93. ihekerdi, nr 65, s. 4. Artikkâl nettiversio Čujottum 4.10.2023. (kirjetárukielân)