Hei fávru
Hei fávru lii Ann-Helén Laestadius roomaan, mii almostui anarâškielân čohčâmáánu 6. peeivi 2024. Sáárákáisá Seurujärvi lii jurgâlâm kirje anarâškielân. Algâalgâlâš kirje lii čallum ruotâkielân.
Hei fávru lii jiečânâs nubbe uási ruotâsämmilii Ann-Hélen Laestadius čäällim Soppero-rááiđust. Neeljiuáság nuorâiroomaanráiđu muštâl Tukholma kuávlust ässee 13-ihásii Agnesist, kii vuálgá ruokkâdávt uuccâđ jieijâs pálgá.
Juonâ
[mute | mute käldee]Kirje muštâl Agnes kesiluámust. Kuttâ oho Sopperost. Tast šodâččij Agnes pyeremus kesiluámu. Viijmâg-uv sun uáináččij oppeet Henrik, sämmilii puásuiperruu alge, kiäin sun lâi viestâdâllâm já čokkám tiättur piällást čuođijd tiijmijd pääihist Solnast. Luámu tavveen ij kuittâg moonâ vuáváámij mield. Jyelgipállukiedist Agnes kočoduvvoo tukholmalâžžân, já paifakkist Henrik oro omâsin ige sun pyevti teivâđ Agnesáin. Aaibâs tego kiinii ličij meridâm, et Agnes ij lah tuárvi pyeri Henrikân. Olâttâsreeivâ peht Agnes finnee kuittâg vyerdimettumis ustev – já puoh muttoo.[1]
Käldeeh
[mute | mute käldee]- ↑ Brecciaroli, Fabrizio: Ann-Helén Laestadius nuorâiroomaan Hei fávru lii almostum anarâškielân anarasaavis.fi. 6.9.2024. Čujottum 6.9.2024.