Eero Lehikoinen
Eero Leonard Heikinpoika Lehikoinen (čohčâmáánu 28. peeivi 1903 Vuokko, Juuka, Suomâ stuorrâfurstâkodde – njuhčâmáánu 20. peeivi 1965 Helsig, Suomâ) lâi syemmilâš huksiittâssárgoo já taaiđâmáálájeijee.[1][2]
Eellim[mute | mute käldee]
Eero Leonard Heikinpoika Lehikoinen šoodâi čohčâmáánu 28. peeivi 1903 Vuokko siijdâst Juukast, Suomâ stuorrâfurstâkoddeest. Suu eeči lâi syemmilâš milloo Heikki Maunonpoika Lehikoinen (1863–1919), já suu enni lâi Johanna Katariina Juhontytär Lehikoinen (j.s. Nevalainen, 1869–1936). Eero lâi sunnuu viiđâd páárnáš já kuálmád alge. Suu maŋa šoddii vala vittâ párnáá. Puoh párnáin lâi ovdânommâ, mii aalgij pustaváin "e".[3]
Eero viälžáin nelji jammii jo pärnivuođâst. Suu eeči-uv jaamij ko Eero lâi tuše 14-ihásâš, já suu enni naajâi uđđâsist leskáin Pekka Kokkosijn, kiäst lijjii kuttâ párnáá.[3][4][5]
Lehikoinen lâi čepis sárgoo jo nuorrân, já sun luvâškuođij Viibur taaiđâustevij sárgumškoovlâst ive 1919.[3] Sárgumškoovlâst sun valmâštui kovetaidârin ive 1926.[3]
Pargo[mute | mute käldee]
Lehikoinen debytistij taidârin ive 1927 Viiburist.[2][6] Tast maŋa sun uásálistij Suomâ taidârij iivij 1938, 1941, 1942, 1943 já 1952 čáitálduvváid.[2] Jieijâs taaiđâpargo lasseen Lehikoinen tooimâi Viibur taaiđâustevij škoovlâ čäci-ivnemáálám máttáátteijen iivij 1929–1937.[2][3] Siämmást sun poorgâi sárgon Uno Ullberg arkkitehttoimâttuvvâst.
Rautjärvi kirho álttártavlu[mute | mute käldee]
1930-lovvoost Iisakki Ahtiainen, kii omâstij Niska-Pietilä sáhhámlágádâs, tiilái Lehikoisiist álttártaavlu. Lehikoinen máálái tom ive 1935, já te Ahtiainen skeŋkkij ivnáás taavlu Rautjärvi kiirkon. Álttártavlu Vanha paimen kertoo sajostittui álttár tuáhá, já tot čaittui vuossâmuu keerdi uđđâivemáánu 26. peeivi 1936.[7][8][9] Álttártavlu kuittâg tuššâdui talle ko Rautjärvi kirkko puolij kunnân juovlâpeeivi 2022.[7][10][11]
Käldeeh[mute | mute käldee]
- ↑ Eero Leonard Heikinpoika Lehikoinen Geni.com. Čujottum 11.6.2024. (suomâkielân)
- ↑ 2,0 2,1 2,2 2,3 Eero Lehikoinen Kuvataiteilijamatrikkeli. Čujottum 11.6.2024. (suomâkielân)
- ↑ 3,0 3,1 3,2 3,3 3,4 Lehikoinen, Mauri Pekka: Juukalainen taidemaalari, rakennuspiirtäjä Eero Leonard Heikinpoika Lehikoinen 1903-1965 mauripekka.blogspot.com. 7.9.2020. Čujottum 11.6.2024. (suomâkielân)
- ↑ Heikki Maunonpoika Lehikoinen Geni.com. Čujottum 11.6.2024. (suomâkielân)
- ↑ Johanna Katariina Juhontytär Lehikoinen Geni.com. Čujottum 11.6.2024. (suomâkielân)
- ↑ V vuosinäyttely Kaupungin 100-vuotisjuhlien yhteydessä 5–10.7.1949, s. [2]. Joensuun taiteenystävät. Tyeje nettiversio (PDF) (čujottum 11.6.2024). (suomâkielân)
- ↑ 7,0 7,1 Taleva, Katariina: Tällaista taidetta tuhoutui Rautjärven kirkon palossa Iltalehti. 26.12.2022. Čujottum 27.12.2022. (suomâkielân)
- ↑ Europaeus, Mikko: Rautjärven asemanseudun kulttuurihistoriallinen selvitys, s. 13–19. Rautjärvi kieldâ, 2013. Tyeje nettiversio (čujottum 27.12.2022). (suomâkielân)
- ↑ Rautjärven kirkon uusi alttaritaulu. Ylä-Vuoksi, 4.2.1936, nr 10, s. 2. Artikkâl nettiversio Čujottum 11.6.2024. (suomâkielân)
- ↑ Vatka, Miia já Nyman, Riikka: Rautjärven kirkko on tuhoutunut – syttyi kesken saarnan Iltalehti. 25.12.2022. Čujottum 25.12.2022. (suomâkielân)
- ↑ Forsberg, Tiina; Rimpiläinen, Tuomas; Näveri, Anna: Poliisi epäilee, että Rautjärven historiallinen puukirkko sytytettiin tahallaan kesken jumalanpalveluksen Yle Uutiset. 25.12.2022. Yleisradio. Čujottum 25.12.2022. (suomâkielân)