Chang'e-6
Chang'e-6 lii kiinalâš luođân, mii paččui máátkán vyesimáánu 3. peeivi 2024.[1][2] Chang'e-6 siäivui Mánudáá tuáváábel kesimáánu 1. peeivi 2024 tme 22:06 UTC, já tot siäivui maasâd Enâmân kesimáánu 26. peeivi 2024.[3][4]
Mánudâšmissio[mute | mute käldee]
Chang'e-6 ulmen lâi nuurrâđ mánudâškoovjâid já keeđgijd Mánudáá tuáváábeln.[1][3] Tot lii Mánudáá sevŋis peeli, mii ij kuássin oinuu Enâmân.[5] Tot siäivui Mánudáá maadânäävi aldasijn leijee kraatterân kesimáánu 1. peeivi 2024.[3] Kesimáánu aalgâst Chang'e 6 kuáivui suullân kyehti kiilu mánudâškoovjâid já keeđgijd Mánudáá eennâmvuáđust, já tot vuorkkij taid uccâ vuárhážân, mii talle vuolgâttui kirdeđ Mánudáá pirrâ.[3] Keđgiamnâseh sirdojii maccâmluođânân, mii algâttij määđhis maasâd Enâmân.[3] Kesimáánu 26. peeivi Chang'e 6 siäivui maasâd Enâmân.[3]
Chang'e-6-luođânân lijjii väridum kyehti pirrâmpeeivi materiaalij nurâmân.[1] Nurrum koovjah já keeđgih láá geologisâš avvees mield suullân nelji miljard ihheed puáráseh.[1] Čáittusij tutkâm vuáđuld kijnáliih tieđâalmaah tuáivuh, et sij finniiččii lasetiäđuid tast, maht Mánudâš lii šoddâm.[1] Taat lâi vuosmuš tohe, ko čáittuseh lijjii nurrum Mánudáá sevŋis peln.[1][3]
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Chang'e-6.
Käldeeh[mute | mute käldee]
- ↑ 1,0 1,1 1,2 1,3 1,4 1,5 Olthuis, Marja-Liisa: Kiinalâš mánudâšmooduul Chang’e-6 lii siäivum Mánudáá tuáváábe anarasaavis.fi. 5.6.2024. Čujottum 3.7.2024.
- ↑ Kiina laukaisi matkaan oman kuuluotaimensa hs.fi. 3.5.2024. Čujottum 3.7.2024. (suomâkielân)
- ↑ 3,0 3,1 3,2 3,3 3,4 3,5 3,6 Saari, Mitja: Kiinalâš mánudâšmooduul Chang’e-6 lii nuurrâm kyehti kiilu mánudâškoovjâid já keeđgijd Mánudáá tuáváábeln anarasaavis.fi. 3.7.2024. Čujottum 3.7.2024.
- ↑ Miller, Katrina: China Becomes First Country to Retrieve Rocks From the Moon’s Far Side nytimes.com. 25.6.2024. Čujottum 3.7.2024. (eŋgâlâskielân)
- ↑ Kuun kääntöpuolelta tuotiin Maahan kaksi kiloa kiviä hs.fi. 25.6.2024. Čujottum 3.7.2024. (suomâkielân)